Dalawang linggo na ang nakalipas mula nang bumalik ang mga estudyante sa St. Rosandele Academy matapos ang Christmas break. Muling nasanay ang lahat sa dating gawi—mga klase na sunod-sunod, ingay ng mga estudyante sa pasilyo, at maagang pagbangon para sa mahigpit na iskedyul ng paaralan.
Ang campus ay abala na ulit, puno ng halakhak, reklamo, at kwentuhan. Parang bumalik na sa normal ang lahat.
Pero sa ilalim ng tila payapang daloy na ito, may mga matang palihim na nakamasid.
Sa lilim ng malalaking puno malapit sa bakod, may ilang pigura na halos hindi makita ng ordinaryong mata. Mga nakabalot sa itim na cloak, mga nilalang na hindi dapat nandirito. Sila ang mga alagad ni Malphas—nakihalo na sa lipunan ng Academy sa anyo ng mga guro, guwardiya, at staff. Tahimik ang bawat kilos, ngunit
