NAPASULYAP si Olivia ng tingin patungo sa cellphone niya nang makitang umilaw iyon. At nakita niyang may natanggap siyang notification mula sa social media account. Dinampot naman niya ang cellphone na nakapatong sa ibabaw ng cubicle. At nakita niyang galing iyon kay Abegail at may ipinadala itong video sa kanya.
Wala naman siyang ideya kung ano ang ipinadala nito sa kanya na video pero binuksan niya iyon para i-play. Pero ganoon na lang ang panlalaki ng mga mata ni Olivia nang mag-play ang naturang video.
Nataranta nga siya kung paano iyon papatayin. Dahil na-back niya iyon sa sobrang taranra pero patuloy pa din iyon sa pag-play dahil dinig niya ungol sa naturang video. Kaya ang ginawa na lang niya ay power off niya ang cellphone!
Mabuti nga lang din at mag-isa lang siya doon. Wala n
