"OLIVIA."
Lumingon si Olivia mula sa kanyang likod nang marinig niya ang pamilyar na boses na iyon na tumawag sa pangalan niya. At nalingunan niya si Abegail na kakapasok lang sa dressing room kung nasaan siya sa sandaling iyon.
Bahagya naman niya itong nginitian nang magtama ang mga mata nilang dalawa. "Abegail," sambit din niya sa pangalan nito.
Humakbang si Abegail palapit sa kanya. "Okay ka lang?" tanong naman nito sa kanya ng tuluyan na itong nakalapit.
Bumuntong-hininga si Olivia. "Medyo kinakabahan," sagot niya dito. Hindi naman na siya kinakabahan ng todo dahil hindi na iyon ang unang beses na sumayaw siya sa club, pangatlong beses na iyon kung sakali. Kaya medyo nabawasan na ang kabang nararamdaman niya. Pero nandoon pa din ang kaba pero hindi na iyon gaya ng unang beses si
