MAHAL NI Bea si Sunday Blue at itinuturing pa ring matalik na kaibigan ngunit may mga bagay na hindi pa rin niya masabi rito. May mga bagay na sa ibang kaibigan niya siya mas komportableng magbahagi. Mga kaibigan na mas makakaintindi ng kanyang pinagdadaanan. Pagsapit ng araw ng Lunes ay kinatagpo niya sina Monica, Soledad at Carlotta sa coffee shop kagaya ng nakagawian nila.
Kaagad niyang naikuwento ang lahat ng tungkol sa kanila ni Ryan. Naisangguni rin niya ang ilang naiisip at agam-agam.
“Sa iyo? Ano ang ibig sabihin ng nangyari noong unang gabi? O kailangan pa ba talaga naming tanungin? May relasyon na kayo.”
“Relasyon na hindi ko alam kung ano ang itatawag, sa totoo lang. I like him. I really, really like him. Kailangan kong aminin na may kakaiba na siyang epekto sa akin kahit na
