Itinuro ko pa rito ang isang silya na naroon sa harapan ko. Hindi nagtagal nang sumunod ito sa sinabi ko, hinila pa nito paabante ang upuan para mas mailapit sa gawi ko.
"So, naalala ko lang kasi iyong sinabi mo sa akin noong nakaraan," panimula ko habang hindi na mapakali sa pwesto, para akong maiihi ano mang oras.
"Alin doon? Ang pagbitaw ko ba ng salita na kapag kailangan mo ng kapalit ay nakahanda akong tanggapin iyon?"
He's smart, I guess. Hindi na kataka-takang scholar ito sa pinapasukan niyang public shool. Bilang sagot ay paulit-ulit akong tumango dahilan para matawa siya ulit.
"Hmm, ano pong kailangan ninyo? Handa naman akong tumulong," segunda nito.
"Lahat ng magagastos sa operasyon ng nanay mo ay ako na ang sasagot. Pwede ko ring akuhin ang ano mang gastos sa pag-aaral mo,
