Katulad na lang ngayon na ang nag-iinit ang katawan ko, wala siya sa tabi ko ngunit sapat na ang pag-alala ko sa mukha nito upang may kung anong kuryente ang dumaloy sa kabuuan ko.
"May boyfriend ka na nga?" pag-uulit ni Lolo, rason para muli akong mapailing.
"Of course, wala po. Kilala niyo naman ako, Lo, wala akong boyfriend since birth. Wala iyon sa vocabulary ko at parang hindi na yata mangyayari 'yon—" Wala sa sariling tumigil ang bibig ko sa ere nang sumingit si Lolo.
"Kung ganoon ay simulan mo nang maghanap. Matanda na ako, hija. Gusto ko na bago ako mamatay ay masilayan ko man lang ang apo ko sa tuhod sa paborito kong apo."
Magkasabay na bumagsak ang panga namin ni Daddy dahil sa sinabing iyon ni Lolo. Natuliro ako, makailang ulit ko pang in-analyze ang mga katagang iyon sa uta
