Kinikilig ako.
Gaano ko man kagustong sabihin iyon kay Kidd, o ipakita ay hindi ko lang magawa. Nahihiya ako, parang ang awkward kasi sa edad kong ito. Isa pa, ayokong pangunahan si Kidd sa nararamdaman niya.
Sabi nga nito ay hayaan ko muna siya, kailangan ay ito mismo ang makadidiskrube sa totoo niyang nararamdaman. Though, sinabi nitong nagugustuhan na niya ako, kaya hihintayin ko iyong oras na masabi nitong mahal na niya ako.
Ayokong madaliin. Naisip ko lang din na hindi naman napipilit ang puso ng tao. Sa ngayon siguro ay naguguluhan pa si Kidd, sa sitwasyon namin ay alam kong mahirap tanggapin para sa kaniya.
Maging ako man ay nag-alangan noong una, pero ang sabi nga; kapag mahal mo iyong tao ay baliwala na ang lahat. Wala ka nang magiging pakialam sa kung ano man ang sasabihin ng
