"Kailan pa 'to, huh?" bulalas ni Jasmin, saka pa nilingon si Kidd na nananatiling walanf imik. "Sinasabi ko na nga bang sa 'yo ang sapatos na nakita ko rito."
Muling pumatak ang luha ni Jasmin, kaagad niya rin iyong pinunasan gamit ang likod ng kaniyang palad. Pilit pa nitong pinapatatag ang mukha, tila ba ayaw niyang mapangunahan ng emosyon.
"At ikaw." Tumingin ito sa akin, kagaya kanina ay puno pa rin iyon ng pandidiri. "Paano mo ito nagawa, Ni—Ninang? Hindi ko akalaing... hindi ko alam na... hahantong sa ganito. Bakit si Kidd pa, huh? Bakit siya pa?"
"Jasmin..." Bumuntong hininga ako, balak ko sana siyang lapitan ngunit paulit-ulit itong umiling.
"Noong nakita mo ba siya sa school noong pinuntahan mo ako Admision Office ay nagustuhan mo na siya, kaya mo siya sinulot? Ninang, alam mo
