"Nag-sorry ka, pero kaagad mo ring binawi. Kilala mo ba ang lalaking iyon?" takang tanong ni Thea.
Hinila ko na iyong mataas na stool upang doon makatayo, naguguluhan man ay mas pinili kong manahimik habang pinapakinggan ang dalawa. Panay naman ang nguya ni Olivia sa pulutan namin.
Nakapangalumbaba pa ito sa lamesa, animo'y walang pakialam at may sariling mundo. Hindi na nga ako magtataka na magkakilala sila ng lalaking iyon, o baka naman isa iyon sa pinagkakautangan nitong kaibigan ko.
"Magkano ba ang utang mo roon? Ako na ang magbabayad," pahayag ko dahilan para malingunan ako ng dalawa.
"Yayamanin ka pala, Andrea. Libre ba magpakonsulta sa 'yo?" tumatawang turan ni Thea habang pinaglalaro sa kaniyang kamay ang baso ng alak.
Magsasalita pa lang sana ako nang mapasinok si Olivia, kay
