Kahit hirap ay nagawa kong tumayo at dali-daling lumapit kay Jasmin. Pinanlakihan ko ito ng mata, kung kaya ay walang imik niyang isinuko sa akin ang laptop na mabilis kong itinago sa likuran ko, bago hinarap si Olivia.
"Luma 'to. At saka hindi laptop ang gusto niya, kotse 'di ba?" sambit ko habang kinukuha ang simpatya ni Jasmin.
Marahil dala ng pagkatakot na hindi na ito makakaulit sa unit ko ay mabilis siyang tumango bilang pagsang-ayon dahil sinasabi ko talaga, wala na siyang mahihita sa akin ni-singkong duling.
"Opo, at saka house and lot," dagdag ni Jasmin, rason para mapanganga ako.
Siya namang galak ni Olivia sa sinabing iyon ng anak niya. Talaga namang ang mag-inang ito, hindi ko mawari kung kinaibigan lang ba ako dahil sa pera ko, o ano— basta ang sarap nilang pagbuhulin.
"G
