Kinabukasan nang maalimpungatan ako sa mumunting paggalaw sa gilid ko. May kung ano pang bagay ang dumantay sa dalawang hita ko, kasunod nang pagpulupot sa baywang ko.
Mabigat man ang mga talukap ay nagawa kong magdilat, kaagad bumungad sa akin ang madilim na paligid. Tanging iyong lampshade na lang na naroon sa bed side table ko ang nagsisilbing ilaw sa kwarto.
Nilingon ko pa ang malaking glass window at doon ay napansing madilim din ang kalangitan. Sinadya kong tingnan ang orasan sa gilid ko, pasado alas kwatro na pala ng umaga.
Muling gumalaw ang kama, pati ang kumot na tumatabon sa hubad kong katawan. Kaya maagap kong binalingan ang kabilang side ng kama, halos tumama pa sa mukha ko ang hininga ni Kidd.
Dapat sa ganitong oras ay gising na ito, umuuwi kasi siya bandang alas singko k
