وعود كاذبة

فى قريه صغيرة يوجد منزل جميل يطل على الطريق العمومى للبلده، م**م على الطراز الايطالي الكلاسيكي، يتسم بالبساطه و الهدوء في اثناء الليل تجلس بنت تمتلك جمال من طابع خاص شعرها اسود غجرى طويل بشرتها بيضاء صافية، عيونها زرقاء قاتمة واسعه لها سحبة مميزة، انفها حاد صغير و شفاها ممتلئة مكتنزة، جسمها ممشوق و متناسق انها آيه الفتاه البريئة عمرها 23 عام تخرجت من كلية آداب قسم لغة ألمانية تقف في شرفتها الخاصة اثناء الليل و تتنفس بعمق تنظر الي السماء في حيرة من امرها، بعدها دلفت الى حجرتها بنفس الهدوء ثم جلست على الفراش تفكر "هتعملي ايه في حياتك يا آيه اتخرجتي بقالك سنة و مفيش أي شغل ولا اشتغلتي في شركة زي ما كنتي بتحلمي ولا حتى عارفة تدي دروس خصوصية و عشان اشتغل بعقد في مدرسة خاصة لازم اخد كورسات عشان أملا الCV وعشان أخد كورس عايزة فلوس و عشان اجيب فلوس لازم أشتغل حاسة إني عمالة ألف في دايرة مقفولة و مش عارفة أعمل إيه حتى معاش بابا على قد مصاريف البيت" هتفت بعفوية و كأنها وجدت حل عبقري لمأزقها "بسسسس انا لاقيت الحل، انا أشتغل رقاصة" ظلت تضحك على حالها حتى سمعت صوت هاتفها يعلن عن اشعار شئ ما امسكت الهاتف فتعجبت، يوجد رسالة من احد الاشخاص على تطبيق المسنجر "انتي مين ،تعرفيني؟ هذا ما قرأته عندما فتحت المحادثة ظل قلبها يدق بسرعة لم تعلم ماذا تقول، استمر الوضع عدت دقائق حتى قررت ان تستجمع شجعتها و تكتب "لا معرفكش" اتاها الرد في نفس اللحظة من هذا المجهول "طب بعتيلي ادد ليه" نظرت بتعجب و قالت باستفهام "انا بعتلك؟ لا معتقدش لان مببعتش ادد لحد و لو كلامك صح يبقى أكيد بالغلط اتاها الرد سريعا "ما انا اكيد مش هكذب يعني ولا هتلكك عشان ادخل اكلمك يا آيه" في تلم اللخظة، فتحت الحساب الشخصي الخاص به و تتنقل بين منشوراته الهزليه و صوره المنتشرة بين الحين والآخر، و علمت انه يعمل ضابط بالقوات الخاصة البحرية، و انه بالفعل قبل طلب صداقتها منذ عدت دقائق كان شاب طويل القامة عريض الاكتاف قوي البنية، و رياضي ملامحه شرقية وسيمه رأت اشعار الرساله فحدث نفسها "دة ايه الرخامة دي بقى، مع انك قمور و اسمك مالك بس شكلك بارد وهتق*فني" كتبت الرد حاسمة امرها "خلاص يا سيدي انت مش كذاب بس كان ممكن ترفض الطلب عادي بدل ما تقبله و تدخل تبعتلي" تتقسم الشاشة الي نصفين حتى نرى ذلك المتطفل اللطيف و هو يضحك ب**ت عليها ثم اكمل فى مزاحه الثقيل "ممممم طيب مادام طلعتي متعرفنيش فمعنديش مانع نتعرف، انا مالك عندى 27 سنه نقيب جيش و من اسكندرية وانتى بقى" رفعت حاجبها بتعجب "هو انت بتتعرف على اي حد كدة على طول دة طبيعي يعني" مالك : لا طبعا بس بروفايلك عجبنى آيه : ممممم عارفة أنا الداخلة دي طب بص بقى يا كابتن انا مش فيقالك خالص ولا عندي طاقة اتكلم فكك مني أحسن مالك : ايه يا بنتي ده هو انا بقلك تعالي اقابلك ده احنا لسه بنقول يا هادي آيه : تقابلني ؟؟؟؟ لا ده شكلها ض*بت منك على الآخر انا هقفل سلام مالك : هههههههه والله مجنونه هكمك بكرة سلام يا قطة شافت الرسالة من برة و ضحكت و قفلت الفون و نامت ******************************************* في مكان تاني على البحر مالك قاعد مبتسم و باصص في الموبايل عمرو : ايه اللى مركز فيه و مبتسم عشانه أوي كدة يا بيه مالك : أبدا بنت كدة جديدة بتعرف عليها بس شكلها مجنونة و هتتعبني عمرو : بيعجبني فيك يا مالك انك ماشاء الله مبتضيعش وقت انت لحقت تنسى سارة ولا إيه وشه قلب و ملامحه بهتت مرة واحدة مالك : بلاش نجيب السيرة دي مش عايز اقوم و اسيبك عمرو : هتفضل لحد امتى بتهرب يا مالك انت بقالك كام شهر فاسخين الخطوبة في نفس الوقت بتتكلموا و شوية بتقول سيبتها و شوية ترجعوا انت عايز ايه بالظبط مالك : اكيد عايز نكمل بس أهلها زي ما أنت عارف ، فبنحاول نبعد بس مش عارفين عمرو : اتكلم عن نفسك يا مالك بلاش تجمعها بيك هي كل مرة بتبعد وانت اللي بترجعلها معرفش هي عملالك ايه انا عمري ما ارتحتلها مالك بعصبية خفيفة : مسمحلكش تتكلم عنها بالاسلوب دة يا عمرو مش عشان صاحبي هسكتلك و قفل بقى علي السيرة دي و خلي السهرة تمشي زي ما كانت ماشيه عمرو صاحب مالك الانتيم معيد في كلية هندسة عمرو : لا و على ايه انا هقوم و اسيبهالك مخضرة مادام كلامي مش عجبك و لسه هيقوم راح مالك مسك ايده مالك : تعالى هنا انت رايح فين هو انت هتفضل بقمصه كدة على طول عمرو بحدية : ما تلم نفسك ولا عشان انا ساكتلك هتسوق فيها ضحك و رد عليه مالك : طب اقعد بس متقفشش خلاص متزعلش بس انت عارف ان بتضايق اما بتكلم فى الموضوع دة قعد تاني عمرو : يالا انا محدش يقدر يزعلني اصلا ، و بعدين هتفضل لحد امتى متواجهش نفسك و تتضايق اما حد يقلك فوق يا مالك احنا عشرة عمر مش مجرد زميل مدرسة فلازم اما اشوفك بتغلط في حق نفسك انبهك مالك بحزن : انا فاهمك وااله و مقدر كلامك بس انا فعلا مش عارف اعمل ايه عمرو : ابعد عنها يا صاحبي واسمع كلامنا شويه وبطل تسمع تفكيرك بس مالك باستسلام : ربنا يقدم اللي فيه الخير ************************************************ آيه : صباح الخير يا ماما سعاد : صباح النور يا حبيبتى آيه : ايه بتعملى ايه على الصبح سعاد : ولا حاجة حضرت فطار و قاعدة قدام التليفزيون على ما تصحي ، انتي ايه اللي مصحيكي بدري كدة آية : عايزة لنزل الف شوية يمكن الاقي اى شغلانه اشتغلها بدل قعدت البيت دي سعاد : طب ما تستني شريف جوز اختك يشوفلك اى حاجه بدل ما تتبهدلي على الفاضي آية : أبيه شريف مش فاضي يا ماما و كمان ما احنا قلناله مرة و مفيش جديد سعاد : ماهو غصب عنه يا بنتي لو لاقي حاجة مناسبة كان قالنا ىيه : يبقى خلاص يا ستي هدور انا يمكن الاقي هو لو لاقى حاجة كويسه ماشي سعاد : ماشي يا بنتي اللي انتي شيفاه ربنا يعينك باست ايديها بحب آيه : يارب يا حبيبتي ، هدخل اخد شاور و اصلي و انزل سعاد : كلي أي حاجة قبل ما تنزلي متنزليش من غير فطار آيه : حاضر يا سوستي ************************************************** نزلت و بدأت تلف على المحلات و تسألهم لو محتاجين حد لحد ما تعبت من كتر اللف آيه : يارب بقى انا تعبت من كتر المشي على رجلى معقول مصر كلها مفيهاش شغلانه لكتكوت صغنن زيي و هى واقفه شافت مكتبة مستلزمات مدرسية مكتوب عليها مطلوب أنسه للعمل قالت البسملة و قررت تحاول للمرة الاخيرة آيه : لو سمحت مكتوب طالبين انسة للعمل كان اللي قاعد راجل كبير في السن مجدي : ايوا يا انسه اتفضلي آيه : كنت عايزة اعرف تفاصيل الشغل مجدي : انتى بتدرسي ولا مخلصة آية : مخلصة اداب الماني مجدي : كنتي فاشلة يعني و بعدين ضحك بسماجة و كمل متزعليش مني انا زي أبوكي حاولت تتحكم في أعصبها و ترد ببرود آيه : لا خالص انا طالعة الاولى على الاربع سنين كلية بس للاسف بقى ربنا لسه مأردش أشتغل في مكان نضيف مجدي بحدية : قصدك ايه يعني آيه بخبث : لا ولا حاجه يا حج دة انا بهزر ده انا زي بنتك حتى ولا ايه قولي بقى نظام الشغل هنا ايه مجدى بحدية : هتيجى من 8 الصبح ل 8 الليل كل يوم مفيش اجازات و المرتب 800 جنية فى الشهر آيه بصدمة : 800 جنية بس بس دة قليل اوى مجدي : لو مش عاجبك شوفي حاجة تانية في غيرك كتير عايزين يشتغلوا سكتت شوية مبقتش عارفة تقول ايه هى لفت كتير و مكنتش لاقيه حاجه مجدي : هاه قولتي ايه فاقت من شرودها على صوته آيه : هبدأ شغل من امتى مجدي : تعاليلي بكرة الساعة 8 الصبح عشان تستلمي الشغل آيه : طيب تمام مشيت و هي حاسة انها مخنوقة بس مقدمهاش حل غير كدة وصلت بيتها كان اخواتها موجدين سلمى اختها الكبيرة و جوزها شريف و مخلفة بنتين وولد سيف واشرقت و رحيق و بسنت اختها التانية و متجوزة محمد و مخلفة ولدين عدي و اياد اول ما دخلت ولاد اختها جريوا عليهاو هي نسيت خنقتها وضحكت واخدتهم فى حضنها سيف : كنتي فين يا يوكا كل دة ثيباني لوحدى ضحكت على طريقة كلامه آيه :انا ثيباك لوحدك ، كدة ينفع اخص عليا والله عدي :تعالي العبى معانا ثوية اشرقت : أيوا يا يوكا يلاا نلعب آيه :هو انتوا لسه حروفكم ضاربة كدة رحيق بلماضه : اتكلمي عن نفسك يا لدغة آيه : احم لاحظي ان انا خالتك و المفروض تحترمينى اكتر من كدة يا حيوانه و ابعدوا بقى كده اما اسلم على اخواتي الاول سلمى : لا والله لسه فاكرة ان ليكى اخوات آيه : ههههههههههه اعمل ايه يعنى ولادكم اللي شغالونى اول ما جيت بعدين سلمت عليهم بسنت : كنتي فين يا يوكا كل دة يا بنتى آيه : بدور على شغل لحد ما رجلى ورمت سلمى : هو مفيش امل تتعينى معيدة فى الجامعة آيه : خلاص بقى مبقتش معلقة نفسي بالامل دة اللي سمعته ان التكليف اتوزع على كام طالب من ولاد الدكاترة فى الكليه ، فشيلت الموضوع من دماغي بسنت : طب ما تقدمى تظلم يا بنتى ولا ارفعي قضية ولا اى حاجة دة حقك آية : هرفع قضية منين ،هجيب اتعاب المحامي ازاى و موال طوييييل و مصاريف و ياعالم وقتها هاخد حقي ولا كل دة على الارض سلمى : فالحل انك تستسلمي بقى ! آيه : عندك حل تاني ؟ وبعدين الله اعلم ربنا مخبيلي ايه بسنت :طب لاقيتي شغل بعد اللف ده كله آيه : اها الحمدلله هبدا من بكرة سلمى : طب كويس هتشتغلي فين آيه : في مكتبة دة اللي لاقيته و اهو اى شغلانه بقى لحد ما الاقي حاجة كويسة بسنت :ربنا يوفقك ياحبيبتى و احنا برضه هندورلك لو لاقينا شغل احسن ابقي سبيها آيه :ان شاء الله ، هقوم اخد شاور و ارتاح شوية لان تعبت جدا النهاردة و هصحى بدرى وبعدين قامت و سبته اخدت شاور و صلت فردها و لبست بيجامة ومريحه و قعدت على سريرها تفكر في مستقبلها اللي اتقلب 180 درجة فلاش باك##### فتحت باب بيتهم و دخلت بسعادة و صوت كله بهجه آيه : ماماااااا يا سوسووو انتى فين تعالي سعاد : ايه يا بنتي الدوشه اللى انتى عملاها دى مش هتبطلي العادة دى بقى مسكتها آيه من ايديها و قعدتها قدمها و قالت آيه : هههههه لا مش هبطل سعاد بضحك : طب قولي يا أخرة صبري عايزة ايه آيه : عندي ليكى خبر بمليون جنيه سعاد بإهتمام : خير يارب فرحيني آيه : طب حزري فزري الاول سعاد : انتي هتدوخيني معاكي يابت انتي ما تقولى على طول آيه : مش لازم العب معاكي الاول يا سوسو ، امال يعنى هبقى بنتك ازاي ، عموما يا ستي باركيلي سعاد : اباركلك على ايه يا قردة آيه : بنت هتبقى معيدة تا تا تننننننننن ، ايه رايك فى المفاجاه دى بقى ؟ تحول وشها لفرحة و اخدتها في حضنها و قالت يدموع فرحة سعاد : مب**ك يابنتى الف مب**ك يا حبيبتى انا كنت واثقة فيكى وانك هترفعى راسنا انا و ابوكى الله يرحمه آيه : الله يرحمه يا حبيبتى كل دة بسبب دعواتك والله يا امى ربنا ما يحرمنى منك ابدا سعاد : و هتستلمي امتى ان شاء الله آيه : بكره بإذن الله هبدأ في تجهيز الورق سعاد : على خير ان شاء الله يا نور عينى ، اوعي يا بت يا آيه تقولي لاي حد لأحسن تتحسدي آيه بضحك : هتحسد على ايه بس يا ماما هو انا اول واحدة اتعين يعنى سعاد : لأ يا ختى لا اول واحدة ولا حاجه بس انتى شايفه العين علينا قد ايه احنا مش ناقصين ، الكحكة في ايد اليتيم عجبة ، دة حتى جوازات اخواتك البنات باصين لنا فيها فدارى على شمعتك آيه : ههههههههههههههه جوازات اخواتى دى حاجة متتنسيش ، المشكله انهم ياخدوا العين التمام وانا اللى كنت اتعب ، طب انا مالى مش عارفة ، عموما لا تقلقى يا ماميتو مش هقول لحد عرفي بس سلمى و بسنت تاني يوم في كلية الاداب أيه بعصبية : يعنى ايه اسمى مش مكتوب في كشف المعيدين الجداد الموظف : الكشف قدامك اهو يا انسه ، انا مجبتش حاجة من عندى آيه بصوت عالى : ايوا ازاى يعنى انا كنت هنا امبارح و اتقال ان بكرة هيجى كشف بأسماء الطلبة الاوائل اللى هيتعينوا وانا طالعة الاولى على الكليه ازاى اسمى مش مكتوب الموظف بحدية : حضرتك بتزعقي ليه ، قلتلك اسمك مش مكتوب وانتى شفتي بنفسك ، عندك مشكلة اتفضلي روحى لعميد الكلية هو يحلهالك ، غير كدة انا مقدرش اساعدك بصيتله بعصبية و سابته ومشيت و طلعت على عميد الكليه و السكرتيرة سمحتلها بالدخول بعد الحاح آيه : لو سمحت يا فندم انا عندى مشكلة من غير ما يبصلها رد العميد : قولى يا بنتى بسرعة معنديش وقت آيه : يا دكتور انا طالعة الأولى السنة دى ، والمفروض اسمى كان هينزل في كشف المعيدين ، و للاسف ملقتهوش و لاقيت ناس تانيه خالص اكترهم مش من الاوائل اصلا العميد بتجاهل : تمام فين المشكلة آيه بتعجب : المشكلة ان المفروض ان اتعين دة حقي و جيت لحضرتك عشان تحللي المشكلة دى العميد : انا مش شايف في مشكلة ، الطلبة اللي هتتعين تم اختيارهم بقرار من المجلس الاعلى للجامعات و القرار اتوافق عليه ، و طبعا اكيد قريتى الاسماء دى و عرفتى يبقوا ولاد مين بصدمة و دموع متحجرة في عيونها آيه : يعنى ايه ،يعنى كدة مستقبلى ضاع ، يعنى الامل اللى فضلت احلم بي سنين بقى سراب و ناس تانية متعبتش في اى حاجة تاخد مكانى اللى بقالى سنين بحارب عشان اوصله بكل سهولة كدة العميد : كفاية صعبانيات بقى يا بنتى و اتكلي على الله انا مش فاضي لشغل العيال دة دموعها خانتها و نزلت آيه : طب حضرتك اعتبرنى بنتك و ساعدنى اخد حقي طيب ، و قولى اعمل ايه العميد بإستهزاء : بس انتى مش بنتي ، و يلا بقى اتفضلى بدل ما انادى الامن يطلعك بالعافيه آيه بدموع و قوة : و على ايه يا دكتور ، بس صدقنى هيجى يوم و هاخد مكانك دة و بكرة تشوف و ساعتها كل الحقوق هترجع لاصحبها باك ######## فاقت على دموعها و هى بتنزل لوحدها و قالت آيه : و يجى واحد زى مجدى دة و يقولى كنتى فاشلة نينينينينيييي ، منك لله يا دكتور فوزى انت السبب في كل المرمطة اللى انا فيها دى بس بكرة هاخد مكانك و هتشوف بس ازاى ، دة انا كل دة حصل و سعاد بتدعيلى ، امال لو كانت بتدعي عليا كان حصلي ايه ولا هى بتدعي في اتجاه قبلة غلط ولا ايه ،انا لازم اشوف حل معاها فى الموضوع دة جالها اشعار بصوت رسالة قطعت تفكيرها مالك : مساء الفل ، قفلتى انتى امبارح اكنك ما صدقتي ضحكت في سرها و ردت آيه : انا ما صدقت فعلا مكنتش طيقاك بصراحة مالك : احمم ايه الاحراج ، طب جاملينى طيب ، قوليلى معلش كنت تعبانه ، نمت غصب عني ، كدة يعني آيه : و اجاملك ليه هو انت من بقيت عيلتى ! دة انت حيالله واحد معرفوش و داخل يستظرف مالك : آيه هو انتى مدب كده على طول ، يعنى دة الطبيعي يعنى ، ولا ده عيب مؤقت في السوفت وير بتاع ل**نك ضحكت و قالت آيه :هههههههه لا دة الطبيعي ، هاه عايز ايه بقى مالك : يا ف*ج الله ، اخيرا ضحكتي آيه : مالك اخلص انت عايز منى ايه مالك : اهى رجعت قلبت تانى اهو آيه : اصل انت عمال تمط في الكلام ومش عارفه انت اخرك ايه فزهقت بصراحة مالك : كل خير يا ستى عايز منك كل خير، هعوز ايه يعنى ، اكيد عايز اعرف انتي مين آيه : تمام وبعد ما تعرف انا مين هتعمل ايه مالك : هتاكد بقى انتى حد بعرفنى ولا لا ، آيه ، طيب يا سيدى انا بطمنك ان معرفكش والله ،وان الادد اتبعت بالغلط و هدخل الغيه دلوقتى مالك : لا لا متلغيهوش عادى انا مش متضايق ، بس لا لا انا مش مصدق انك متعرفنيش آيه :انا حلفتلك ، اثبتلك ازاى يعنى ان معرفكش مالك : لا لا خلاص مصدقك ، تعالى نتعرف بقى آيه : مالك انت فاضى والله ، انت متاكد انك ظابط يا بنى مالك : لا بشتغلك و بعدها راح باعتلها صوره و هو بالبدلة الميري و صوره و هو بيتدرب مع زمايله ابتسمت في سرها و قالت طلعت جامد و قمور اهو و عندك عضلات كمان آيه : طيب خلاص صدقتك ربنا يحميك بس هو انت بجد فاضى تبعتلى كدة مالك : الفترة دى اها لان كنت اجازة و للاسف هسافر بكرة آيه : هتسافر فين مالك : سيناء ما انا شغلى هناك ، و اسبوعين وهنزل ان شاء الله آيه : تيجى بالسلامة يارب ، بس الوضع خطر هناك صح مالك : ربنا بيعين بقى يا يويو هنعمل ايه ،ادعيلى آيه : ربنا يحميك ويبعد عنك الشر مالك : طب مش هتقولى انتى مين بقى تقريبا عرفتى عنى كل حاجة وانا لسه معرفش اى حاجه آيه : انا اسمى آيه زى ما انت عارف و من مصر مالك : ياااه تصدقى ان انا كمان من مصر آيه : ايه ده بجد ، طلعنا من نفس الدولة اهو مالك : آيه متهزريش انتى منين آيه : انا يا سيدى من المنصورة مالك : حلووو بنات المنصورة مزز هههههه آيه : لا ما هو انا أصلى من الصعيد و بابا و ماما نقلوا هنا بقى مالك :هههههههه بتوع الصعيد مزز برضه آيه : هو انت اى تاء تأنيث وخلاص مالك : واضح عشان هزارى معاكى خلاكى تاخدى عليا بقى آيه : لا يا سيدى لا اخد عليك ولا حاجة انا مش فاضية اصلا وعندى شغل بكرة و هصحى بدرى مالك : طيب تمام تصبحى على خير مع السلامة استغربت انه قفل بسرعه و مهزرش زى كل مرة و فهمت انه زعل من كلامها الاخير و فضلت تلوم نفسها انها كانت سخيفة معاه وبعدين قالت آيه : ده طلع قفوش اوي وانا مالي ما يتفلق انا شاغلة نفسي بي كدة ليه وطفت النور و غطت فى نوم عميق فى الناحية التانية عند مالك مالك : مدب وشكلك هتتعبينى بس عجبانى وبعدين كمل بضحك انا هجننك يا آيه ************************************************************ تانى يوم صحيت الساعة 6 الصبح و هي حاسه بشوية **ل ، لكن تحاملت على نفسها و عملت روتينها قبل ما تخرج شاور و صلاه و فطار و بعدين اتحركت على الشغل اما وصلت هناك كانت الساعة 7.30 و مكنش صاحب المكتبه جه فضلت واقفه في الشارع مستنياه و عمالة تشتم في نفسها انها وافقت بالشغل دة مجدى بسماجة : صباح الخير يا مزمزيل ، فكرتك مش هتيجى رديت عليه و هى مش طايقة نفسها آيه : لا ازاى انا اديتك كلمة اكيد مش هرجع فيها مجدى : طب كويس يلا بقى عشان نبدأ شغل و اعرفك مكان كل حاجه و سعرها بس الاول هننضف المحل و نرش ميه كده قدام الباب أعملى حسابك ده بيحصل كل يوم الصبح آيه : و مين الل بيعمل الحاجات دى مجدى : انتى طبعا ، المحل بيتترب كل يوم من الشارع ، و ضرورى الزباين تيجى تلاقي المحل نضيف ، امال انا هد*كى فلوس على ايه آيه : الل اعرفه ان انا جايه اشتغل سيلز مش انضف رفوف رد بعدم فهم و تريقه مجدي : تشتغلي ايه لا موأخذه سيلي ايه ؟ ردت بنفاذ صبر آيه : اقصد ابيع الكتب و كدة مجدى : اهااااا فهمتك لا انتى هتبقي مسؤوله هنا عن المكتبه في كل حاجه التنضيف و البيع ، و يلا بقى خلينا نبدأ شغل سكتت بإستسلام و بدأت تعمل اللي قالها عليه ، و عرفها اسعار الكتب و الكراسات واماكن كل حاجه مجدي : كدة انا عرفتك كل حاجة ، في حاجة عايزة تسالي فيها آيه : لا تمام انا كتبت أسعار كل حاجة مجدى : طب كويس همشي انا بقى و هجيلك على المغرب كدة آيه : ايه ده هو حضرتك مش هتفضل موجود شويه لحد ما ابدأ افهم الشغل ، ده لسه أول يوم مجدي : هفضل اعمل ايه ، انتى كده فهمتى كل حاجه والموضوع بسيط يعنى ، يلا همشي انا سلام و اعمليلنا ايراد حلو كدة النهاردة قال جملته الاخيرة و هو خارج من المكتبه وسبها قبل ما ترد آيه : ايراد ايه اللي الراجل الخرفان دة بيقول عليه ، هو انا لحقت واثناء ماهي بتكلم نفسها جلها شوية طلاب يشتروا منها حاجات بنت : لو سمحت يا ا**ه هاتيلى قلم ازرق و احمر و اسود و كشكولين سلك و كتاب الاضواء رياضه لسنه تانيه اعدادي بنت تانيه : وانا لو سمحت عايزة قلم سنون 7 ملل ، و مقلمة و 3 كشاكيل سلك 200 ورقة طفل صغير : لو ثمحت يا طنط عايز اللعبه اللى على الرف دى و غيرهم بقى من الطلاب و الاطفال اللى جم مرة واحدة و بقت واقفة و مش عارفه ترد على مين فيهم ولا عارفه تجيب الطلبات بسرعة لانها مش حافظة اماكن الحاجات وبعد يوم طويل من الشغل قعدت على الكرسي و هى متنحة دخل عليها مجدى مجدى : مساء الخير يا مزمزيل آيه بارهاق : مساء النور مجدى : اخبار الشغل النهاردة ايه آيه : كويس وبعدين مدت ايديها بالفلوس و كملت ، دة ايراد النهاردة كانت مطلعة فلوس كتير ، اخدهم منها بلهفه وطمع وبدأ يعدهم مجدى بفرحة : ياااه 600 جنيه ، دة شكل وشك حلو على المكتبه بقى آيه : كويس الحمدلله مجدى : اهااا امال اييييه الحمدلله طبعا ، طلعتى شاطرة و يجى منك اهوو ، عايز بقى ايراد زى دة كل يوم آيه : ان شاء الله ، ممكن امشي لان تعبت النهاردة مجدي : انتى معادك 8 و لسه الساعة 7 و انا كده كدة ماشي وهسيبلك المفتاح و انتى تقفلى و الصبح تيجى تفتحى و توضبى المكتبه لحد ما انا اجى و سبها ومشي من غير ما يرد آيه : هو ايه الراجل قليل الذوق دة ، هو كل مرة يسبنى و يمشى ، وبعدين يعنى جبتله الفلوس دى طول اليوم و هو مستخسر فيا اروح ساعة بدرى ، بس الصح اصل النتانه دى طبع و فضلت قاعدة لحد ما جت الساعة 8 وبعدين قفلت و طارت على البيت **************************************************************** روحت بيتها و واكلت حاجة سريعة وبعدين دخلت اوضتها و نامت على السرير من التعب و لسه هتغمض فجأة تليفونها رن برقم غريب. بصيت للموبايل بق*ف كدة آيه : لا مش ناقصة ازعاج على المسا بقى هو دة وقت حد يتصل فيه سابته لحد ما فصل و رجع رن تانى ف ردت آيه : الوووووو مالك : كل دة عشان تردي يا شيخة قلقتينى فكرتك موتى ولا حاجة آيه بحدية : كل دة ايه ، انت ع**ط يا بنى انت مين اصلا وايه العشم اللى واخدك دة مالك بضحك : ايه دة مش عارفة انا مين آيه : و هعرف منين يا خفة مالك : طب قشطة خلينى احيرك شوية آيه بعصبية : هتخلص وتقول انت مين ولا اقفل فى وشك مالك : ههههههه طب قوليهالى بالالمانى كدة عايزة اسمعها منك ، مش انتى دارسة اداب المانى برضه استغربت كلامه و اتعصبت آيه بعصبية : شكلك فاضى وجاى تستظرف ، وانا اساسا على اخرى وهبخ في وشك دلوقتي مالك بضحك : هو انتى على طول متنرفزة كدة يا بنتى ومش طايقة نفسك آيه : دة انت م**م تستظرف و متقلش انت مين بقى ، اوك براحتك سلام و لسه هتقفل سمعت صوت ضحك مالك بضحك : استنى يا ع**طة انا مالك آيه بصدمة : مالك !!!