سها : ايوة يا دكتور حازم
حازم : ازيك يا سها
سها : الحمدلله ، خير في حاجة
حازم : لا ابدا كنت بتطمن عليكى
سها : انا بخير متشكرة اوى
حازم : تمام عايزة حاجة
سها : لا شكرا
حازم : انا هقفل بقى مع السلامة
سها بتعجب : اوك سلام
قفلت معاه
سها : هو ماله دة ، ماله ملبوخ كدة ليه اكنه عامل عاملة ، بس ضحكنى اوى
و فضلت بعدها تبتسم كل اما تفتكر كلامه
***********************
عند حازم واقف في الريسبشن و رايح جاى زى النحلة
مصطفى : خلاص بقى يا بنى خيلتنى اقعد في حته
حازم : مش عارف اهدى يا مصطفى انا غبى مش عارف مقلتلهاش ليه ان عايز اتقدملها
مصطفى : عشان غبى ، انا معرفش مالك ، محسسنى انك اول مرة تكلم بنت
حازم : لا مش كدة بس باجى قدامها بتلخبط ، مش ببقى عارف اجمع الكلام
مصطفى : ماشي يا عم بس مش كدة ، زيها زى اى حد يعنى عادى يا معلم
حازم : يا سيدى معرفش انا باجى قدامها و ببقى شبه دكر البط
