مالك : الحمدلله يا ريم انتى عامله ايه
ريم : بخير والله الحمدلله انت عامل ايه طمنى عليك عرفت من سارة انك اتصابت فى كتفك.
مالك باستفهام : هو انتى شوفتى سارة النهارده ؟
ريم : لا بس كلمتنى عشان تقولى معديش عليها في البيت لانها مش هتيجى الكليه
مالك لنفسه يعنى هى كانت عارفه من الصبح و مهنش عليها تيجى تطمن عليا
ريم : الووو الوو مالك انت معايا!!
مالك : اه اها يا ريم معاكى
ريم : انت كويس ؟!
مالك : الحمدلله والله متشكر جدا على سؤالك
ريم : على ايه يا مالك انت زى اخويا و ده واجبى
مالك : كتر خيرك والله
(مابينه و بين نفسه مجتش من صاحبتك )
ريم بارتباك : انا عارفه ان الظروف مش مناسبه بس هينفع اشوفك
مالك : متقوليش كده ، اها طبعا ممكن تشوفينى بس ادينى يومين تلاته كدة يكون الجرح خف شويه
ريم : اهاا طبعا اكيد ربنا يقومك بالسلامه
مالك : تسلمى يا روما والله
ريم بابتسامه : ماشى يا مال
