الحلقة العاشرة

3002 Words

ريم : مالك أزيك عامل ايه مالك : الحمد لله ياريم انت اخبارك ايه و المذاكرة ريم : بخير والله الحمدلله، مالك كنت عايزة اقولك حاجه بس مش هينفع فون لازم اقابلك مالك : والله يا ريم انا لسه راجع الشغل من اسبوع و مش هنزل غير كمان اسبوع،.طيب ماتنفعش فى التليفون خالص ريم : للاسف لازم أشوفك مالك بضحك : طب لمحيلى طيب ريم : ههههه مش هينفع والله اما تنزل بالسلامه ان شاء الله بس ياريت سارة متعرفش الكلام ده ممكن ؟ مالك بتعجب : ليه ريم : عادى هو الموضوع ميخصهاش يخصنى انا وانا مش عايزة حد يعرفه مالك : حاضر يا ريم متقلقيش اعتبرى مفيش حاجه حصلت ريم : متشكرة اوى يا مالك انا هقفل بقا، سورى لو ازعجتك مالك : لا طبعا مفيش ازعاج ولا حاجه كلمينى اى وقت ريم : ربنا يخليك يارب يلا مع السلامة مالك : سلام يا ريم قفل و فضل يفكر يا ترى ايه الموضوع الل ريم عايزاه فيه و ليه مش عايزة سارة تعرف دى صحبتها الانتيم معقول هتكون مستأمنانى اكتر منها يلا لعله خير ************************************ عند آيه قاعده مع سعاد و بتحكيلها الل حصل آيه : والله يا ماما ده الل حصل، قالى الكلمتين دول و راح قافل فى وشى. سعاد : من الباب للطاق كده يا آيه، اصل انا عرفاكى اما بتقلبى على الوش التانى آيه : المشكله ان ملحقتش اقلب اصلا والله ،ده انا ملحقتش ارد سعاد بحيرة : مش عارفه يا بنتى، طيب بصى حاولى تحسنى اسلوبك معاه جايز هو فهمك غلط آية بانفعال : يفهم غلط ايه يا أمى، انتى لسه بتدافعى عنه وبعدين ما يولع عادى يعنى، انتى هتكذبينى عشانه سعاد : لا يا بنتى، انا بقول ممكن فهمك غلط، شوفى المكالمه الجايه هتبقى ازاى آيه : طيب يا ماما انا هدخل اوضتى بقا و هحاول انام سعاد : ماشى دخلت اوضتها وبدات تفكر، ده حتى ماما بتخترعله اعذار اعمل ايه بس ياربى ف المصايب دى ونبى يارب تطلعنى منها على خير ************************************* تانى يوم راحت شغلها عادى وخلصت و راحت الكورس و قضت اليوم و رجعت البيت عادى آيه : انا جيت يا ماما سعاد : حمدلله ع السلامه ي حبيبتى آيه : الله يسلمك يارب سعاد : هاه مروان كلمك آيه : ولا عبرنى سعاد : ولا حتى بعتلك رسايل آيه : تؤتؤ اقولك حاجه احسن يارب يطلعنى من دماغه بقا سعاد : ههههههه يا بت انتى بطلى تبطير على خلق الله آيه بضحك : ياماما الكلام ده يتقال اما اكون بتبطر على حاجه عدله مش مروان ، عيب والله كلامك ده سعاد : ههههههههه حرام عليكى المهم حد من اهله كلموكى. آيه بزعل مصطنع : محدش عبرنى يا مامتى سعاد باستغراب : معقول ولا حتى اخوه. آيه : لا ولا حتى جابلى سيرتهم سعاد : طيب مطلبش يكلمنى ولا فتح سيرة الزيارة لحد من اجواز اخواتك الل كان بيقول عليها آيه : ولا الهوا سعاد : طيب يا بنتى اما يكلمك خليه يكلمنى آيه : حاضر يا ماما انا هقوم اصلى بقا. سعاد : تقبل الله يا حبيبتى. باست ايد مامتها و قالت آيه : ادعيلى يا ماما و دخلت اوضتها عشان تصلى ********************************** فى بيت مالك باباه و مامته قاعدين بيتكلموا على : ابنك ماله الفترة دى يا ماجده ماجده : معرفش بس حاله مش عاجبنى على : هو مش خطب اللى كان عايزها ماجده : ايوة بس معرفش ماله متغير ليه مش زى الاول ، دة كان طاير من الفرحة على : طب محكلكيش فى مشكله بينهم مثلا أتعرف على واحده تانيه ، اى حاجه اصل تغيره المفاجئ ده مش مريح ماجده : انا كمان مش مرتاحه هو نفسه مش مرتاح، بس انت عارف ابنك مبيحكيش اى حاجه على : ربنا يقدمله الخير و يهديه انا هقوم بقا انزل اتمشى شويه ف الجو ده ما صدقت الجو اتعدل ماجده : ماشى يا حبيبى بس متتاخرش عشان نتغدى مع بعض قرب عليها و باسها من دماغها علي: حاضر يا حبيبتى *********************************** عند مالك تحديدا فى شمال سيناء مالك : هاه يا رجاله ايه الاخبار امنتوا المنطقه احد العساكر : كل تمام يا سيادة النقيب مالك : الله ينور يا جماعه يلا قدامكم 5 ساعات نوم عشان مهمتنا تخلص على خير العساكر فى نفس واحد : تمام يا فندم رائد : مالك كنت عايزة اتكلم معاك مالك : خير يا رائد. رائد :انت بقيت كويس. مالك : عادى مفيش حاجه رائد : مش عايزك تزعل منى انت عارف بعزك قد ايه ، بس اختار حد شبهك يا مالك ، حد تبقى متاكد ان لو حصلك حاجة يبقى في ضهرك ، مش يسيبك و يمشى مالك : ليه بتقولى الكلام دة رائد : مفيش حاجة انا بس شايفك محتار و دايما بتفكر مالك : ربنا يقدم اللى فيه الخير ، هو اللى عالم باللي جاى رائد :و نعم بالله ، و مش عايزك تزعل من كلامى ولا من الكلام اللى قلته يوم الخروجة مالك بضحك : لا يا عم عيب عليك احنا اكبر من كدة، و بعدين موضوع و خلص ، انت اللى متزعلش منى رائد : لا خالص ، كلنا ممكن نمر بالظروف دى. مالك : حبيبى. يلا بقا نرتاح شويه قبل المهمه ورانا بكرة شغل كتير رائد : يلا تصبح ع خير عايزة اقولك حاجه. مالك : قول يا قائد رائد : لو حصلى حاجه خلى بالك من امى و ابقى اسال عليها انت و الرجاله و متحسسوهاش بغيابى هى بتحبكم. مالك : ايه الل انت بتقوله ده بس، كلنا هنرجع ان شاء الله دى مش اول ولا اخر مهمه هنعملها، بلاش الكلام ده يا رائد ده انت حمايتنا رائد : الله يجبر بخاطرك انا بس بوصيك محدش ضامن عمره مالك : وصيتك فى رقبتى يا صاحبى وانت كمان ابقى خلى بالك من امى و ابويا بص له بابتسامه غريبه قلقت مالك رائد : طيب يلا بقا يا باشا عايزين نبقى فايقين.. مالك : ماشى يلا تصبح ع خير *********************************** في شركة كبيرة سها قاعدة في مكتبها منهمكة في الشغل باب خبط السكرتيرة : دكتورة سها ، المدير عايز حضرتك سها : اوك يا نسرين اتفضلى انتى قامت و اخدت شويه ملفات و راحت على مكتب المدير سها : الملفات اللى حضرتك طلبتها اتكلمت من غير ما تبص للي قاعد قدامه المدير : اتفضلى يا دكتورة اقعدى ، اعرفك بدكتور حازم الشريك الجديد للشركة ، كان بينا شغل كتير الفترة اللى فاتت ، اعتقد شوفوا بعض رفعت عيونها و بصت له ، استغربت بس حاولت تخبى دة و اتكلمت برسميه سها : اهلا و سهلا يا دكتور حازم باعجاب : اهلا بيكى يا سها المدير : دكتورة سها معيدة في كلية الصيدلة ، و مديرة منطقة هنا في الشركة حازم : هايل جدا المدير : دكتور حازم من بكرة هيبقى الرئيس المباشر ليكى يا سها ، لانه اشترى 51 % من اسهم الشركة ، فحق الادارة هتكون تحت سلطته سها : تمام يا فندم المدير : اسيبكم بقى تدردشوا شويه مع بعض ، عن اذنكم حازم : عاملة ايه دلوقتى سها بجمود : الحمدلله بخير حازم : مفيش حاجة في الدنيا تستاهل الانهيار اللى كنتى فيه ، ولا تستاهل انك تضيعي عمرك كدة ، المرة الجاية خلى بالك وانتى بتسوقي ابتسمت بسخريه و افتكرت مالك اما قالها نفس الكلام سها : تمام ياريت نتكلم في الشغل حازم : تمام بصي يا ستى ............... و بدأ يشرحلها سيستم الشركة الجديد ، و الدمج اللي هيحصل بين شركته و بين الشركة الجديدة ************************************ عند آيه قاعده فى اوضتها بتذاكر و بعدين تليفونها رن ظفرت بضيق وبعدين ردت آيه : ايوا مروان : ازيك يا حبيبتى آيه : الحمدلله ازيك انت مروان : الحمدلله مرنتيش عليا النهارده ليه آيه : انت بتهزر ؟ مروان : انتى لسه زعلانه منى من امبارح آيه : ده مكنش أسلوب اصلا مروان : بصى يا آيه انا سيبت خالتى، عشان كلمونى باسلوب مش كويس، و مش هسمح لحد يكلمنى بطريقه مش عجبانى فاتعصبت غصب عنى آيه : بس انا مش حد ولا واحده بتشتغل عندك عشان اتعامل بالاسلوب ده المفروض ان خطيبتك مروان : معلش انتى واحده واحده هتاخدى على طبعى وبعدين انا اكتر حاجه شدتنى ليكى انك مطيعه آيه بينها و بين نفسها مطيعه اوى آيه : مممم و عرفت ازاى مروان بثقه : انا بعرف فى الناس كويس آيه بتريقه : اهاا ماانا عارفه ،. على فكرة يا مروان ماما سالتنى عليك وعايزة تكلمك مروان بقلق : ليه فى حاجه آيه بتعجب : معرفش بس هى بتسالنى انت بتسال عليها ولا لا مروان : عادى والله بس مجاش فى بالى عموما خليها تكلمنى آيه : اوك ثوانى خرجت لسعاد آيه : ماما كلمى مروان سعاد : الووو مروان ازيك مروان بمضض : الحمدلله يا امى كويس حضرتك عامله ايه سعاد : الحمدلله كويسه انت عامل ايه و شغلك مروان : بخير يا امى والله دعواتك سعاد : ربنا معاك يارب و اخبار خالتك و اخوك ايه عرفوا انك خطبت. مروان : اهاا كلمت اخويا و قولتلهم سعاد : و ليه محدش اتصل بآيه ولا بينا يباركلنا مروان : محدش لسه معاه رقمها سعاد : ازاى يا بنى هى مش عروسة ابنهم ولازم يعرفوها و تعرفهم على الاقل يباركولها مروان : ايوا طبعا يا امى بس محدش لى دخل فى اختيارى، هما عرفوا ان خطبت و خلاص ، هيجوا على كتب الكتاب ان شاء الله سعاد : كتب كتاب ايه احنا متفقين انهم هينزلو معاك الشهر الجاى مروان : انا مش عارف هيقدروا ينزلو ولا لا بس الأكيد هينزلوا على كتب الكتاب سعاد : لا مينفعش طبعا لازم يشرفونا ،هنقول لاهلها ايه ماانت عارف عادتنا، و مفيش خطوبة رسمى غير اما اعمامها يكونوا موجودين مروان : ان شاء الله يا امى سعاد : ان شاء الله بعت لآيه صورة البطاقه بتاعتك او الباسبور مروان بضيق : لا لسه اما اروح ان شاء الله سعاد : ماشى تمام مروان : حضرتك تؤمرينى بحاجه سعاد : لا شكرا مع السلامه مروان : سلام ************************************ سارة بعصبية : ايه يا رامز كل يوم رن كدة ،و في الاخر تجيلى لحد البيت كمان رامز : ما انتى لو بتردى عليا مكنتش عملت كدة سارة : قلتلك مش هعرف اقابلك ولا اسهر الفترة دى ، بابى مبيسافرش و مبعرفش اتأخر برة رامز : خلاص يا قطة بلاش سهر ، تعالى نقضي وقت في البيت عندى ، وامشى متباتيش ، مع ان دة هيبقى صعب عليا اوى سارة : و اجيلك امتى ان شاء الله ، بقلك مبخرجش غير للكلية رامز بخبث : و يعنى انتى مش هتعرفي تسلكى يا سرسورة سارة : قلتلك متدلعنيش الدلع السخيف دة رامز : خلاص يا ستى متزعليش ، بس بجد انتى وحشتينى اوى سارة : طيب يا رامز هتصرف و اجيلك ، بس بلاش تنطلى هنا كل شوية رامز : والله انتى و شطارتك معايا ، بقيتى مطيعة و بتجيلى على طول مش هعتب باب الشارع حتى ، طنشتينى بقى...... سارة : خلاااااص خلاص امشى دلوقتى و هجيلك بكرة رامز : اووك هستناكى يا بيبى متتأخريش والا انتى عارفة و بعدها ركب عربيته و مشي سارة : الله يخربيتك يا رامز دخلت البيت و مسكت التليفون و رنت على مالك سارة : مالك ازيك مالك : الحمدلله خير سارة : بقالك كام يوم مبتتصلش عليا مالك : مش عايز احرق دمى بصراحة سارة : وانا بقيت احرق دمك مالك : بتصل بلاقي تليفونك مقفول ، و بسمع اعتذرات ساذجة ، ميصدقهاش عيل صغير سارة : مش ملاحظ ان من بعد الخطوبة و احنا علاقتنا متوترة مالك : والله اسألى نفسك ، انتى اتغيرتى اوى يا سارة ، و اللى احنا وصلناله دة بسببك سارة : طيب اما تيجى نتفاهم فى الموضوع دة مالك : اما بقى سارة : تعالى بس و كل حاجة هتتحل ، وانا هصالحك بطريقتى، بس مبدأيا يا سيدى انا اسفة ، متزعلش منى بقى مالك بحب : اخر مرة تعملى الحركات دى سارة : حاضر مش هكررها تانى ، بس متزعلش منى مالك : خلاص مش زعلان سارة : بحبك مالك : وانا كمان ، هقفل بقى عشان يدوب الحق انام شوية سارة : اوك ياحبيبى ، خلى بالك من نفسك قفلت الخط سارة : ادينى خلصت و صالحت مالك ، ادخل انا بقى اجهز ميعاد لسى رامز دة ، بس وحشنى الصرمحة معاه و ضحكت بخبث *********************************** بصيت لمامتها آيه : قالك ايه على اهله سعاد : هينزلوا على كتب الكتاب بس يبقى يقابلنى آيه : ههههههه ده بيهزر و متعشم اوى سعاد : بيقول انه عرفهم و طلبت منه باسبوره آيه : تمام وقالك هيبعته ولا ايه سعاد : اهاا قالى اما يروح آيه : ماشى اما نشوف تليفون بيرن تانى و كان مروان آيه: ده بيرن تانى سعاد :.طيب ردى عليه آيه : ايوا يا مروان مروان : ايوا بتعملى ايه آيه : ولا حاجه مروان : وحشتينى آيه : ميرسى مروان : تعرفى ان عايز نتجوز بسرعه آيه : اشمعنى. مروان : عايزك تبقى معايا الجرس رن كانت بسنت و محمد جوزها آيه : ثوانى يا مروان هفتح الباب مروان : اوك فتحت لاختها و سلمت عليهم و دخلت اوضتها آيه : انا جيت. مروان : نورتى ، انت كنتى بتفتحى ليهم وانتى لابسه ايه آيه : يعنى ايه لابسه ايه دى ؟ عموما كنت لابسه بيچامه بكم. مروان : مكنتيش لابسه حجاب ؟ آيه بارتباك : بصراحه لا، انا عارفه انه مينفعش بس انا كنت صغيرة جدا اما ابيه محمد اتقدم لبسنت مروان : و يا ترى البيچامه كانت ضيقه ولا آيه : لا واسعه مروان بحده : بعد كده تلبسى اسدال وانتى بتفتحى لاى حد آيه : ان شاء الله، وصلت البيت مروان : انا لسه بالسيارة آيه : طيب متنساش تبعت صورة الباسبور اللى ماما قالتلك عليها مروان : انا مش فاهم فى ايه ،مامتك عماله تبيع و تشترى فيا، و فين اهلك و متكلموش ليه وانت مين و كلام كتير كده، انا عمرى ما سمحت لحد يتكلم معايا كده، بس مستحمل كل ده عشانك و مستعد اعمل اكتر من كده بس انا مش عارف هقدر استحمل لحد امتى آيه : فى ايه لكل ده ماما خايفه عليا و الل بتعمله ده طبيعى مروان : طيب انا وصلت البيت هطلع اصلى و هكلمك تانى آيه : اوووووك يلا بااااى مروان : مع السلامه قفلوا مع بعض آيه لنفسها : اوووووف ده انت خنقه يااااارب اخلص طلعت برة قعدت مع اختها بسنت : ازيك يا يوكا آيه : الحمد لله ازيك يا بوسي ازيك يا ابيه محمد : الحمدلله يا آيه انتى عامله ايه آيه : بخير والله الحمدلله بسنت : اخبار مروان ايه آيه : عادى كويس.. بس مش زى ما كان بيتكلم اول مرة بسنت : ازاى يعنى.. آيه حكتلها كل افعاله معاها و اسلوبه *********************************** فى مكان تانى تحديدا فى شقة مريهان مريهان : هو مين الل برة ده يا ميس ميس : دول اهل العريس انتى ناسيه مريهان : اها اهاا بس ده مامته و باباه بس ميس : ماهو لسه هيجى تقريبا ف مشوار مريهان : ممممم.. الباب خبط كانت مامتهم سميه بحده : مريهان خلصى يلا و أجهزى عشان الناس الل مستنيه برة. مريهان : طيب يا ماما بس استنى انا لسه جايه من الشغل سميه بزعيق : يعنى ايه لسه جايه من الشغل قولت اخلصى و راحت طالعه و رازعه الباب اوصفلكم بقا ميس و سميه ميس اخت مريهان اصغر منها ب 5 سنين بتدرس تجارة انجلش سميه مامتها مدرسة ثانوى مهتمه جدا بنفسها بس متعجرفه و حاده فى التعامل خصوصا مع مريهان مريهان بدموع : انا معرفش هى بتعاملنى كده ليه ميس : معلش حقك عليا يا حبيبتي مريهان : انا والله تعبت ميس : اهدى بس ،معلش ماما بس أعصابها مشدوده شويه مريهان : طول الوقت اعصابها مشدوده يا ميس ميس : طيب أهدى ممكن ،يلا اجهزى عشان العريس اللى جاى ده مالوش ذنب فى حاجه. مريهان باستسلام : حاضر بدات تجهز لبست طقم شيك جدا جينز ازرق و شميز جينز و حطيت ميكب وطلعت اول ما ام العريس شافتها انبهرت من جمالها امانى : بسم الله ماشاء الله بنتك زى القمر يا سميه سميه بتريقه : حلوة فين دى، ده المكياچ امانى : لا انا واثقه انها حلوة هتطلع وحشه لمين يعنى انتى زى القمر. سمية بثقه : حبيبتى ده من ذوقك بس الباب خبط امانى : اكيد ده وليد سميه : ميس حبيبتى افتحى الباب ميس : أووك. فتحت الباب و كان وليد. ميس : اتفضل وليد دخل و سلم عليهم سعد والد مريهان : اتفضل يا بنى اقعد وليد : متشكر يا عمى كمال والد وليد : ده بقى وليد مهندس بترول شغال فى الكويت سعد : ماشاء الله وانت بقا يا وليد بقالك قد ايه بتسافر وليد : يعنى حوالى 5 سنين يا عمى بعد ما اتخرجت ب 3 سنين سعد : هايل على كده بقا خبرتك كويسه في المجال ده وليد : يعنى على قدى كده كمال : طب مش نسيب الولاد يتكلموا مع بعض شويه سعد : اها طبعا اتفضل يا وليد ، مريهان خدى وليد واقعدوا ف الصالون مريهان : طيب اتفضل يا بشمهندس.. قعدوا فى الصالون و بدأوا يتكلموا مع بعض بعد فترة وليد و اهله استاذنوا وبعد ما مشيوا مريهان : بابا انا مش موافقه سعد : ليه يا بنتى مريهان : عادى يا بابا بس انا مش موافقه سميه : هو ايه الل مش موافقه هتفضلى كده لحد امتى ردت بعصبيه ممزوجه بالدموع مريهان : مش موافقه اقولها ازاى ، حسى بيا بقا حرام عليكى سميه باستهزاء : احس بيكى ايه ، محسسانى انك اول واحده تتخطب و تفشكل ما خلاص ، ايه هتترهبنى سعد : بس يا سميه مالكيش دعوة بيها وانتى يا مريهان فكرى و أهدى مع نفسك كده وبعدين نتكلم يا حبيبتى بصيت لمامتها بلوم مريهان : حاضر ودخلت اوضتها و هى منهارة جدا سعد بعصبيه : فى ايه عماله تزعقى و تشخطى فيها بتعامليها كده ليه سميه : بنتك بتتدلع و انت مساعدها على كده انا ق*فت منكم دى بقيت عيشه تطهق سعد بحزم : سميه الزمى حدودك و متنسيش نفسك معايا فاهمه!! سميه بخوف : ماشى يا سعد ماشى، خليك انت موافقها على كل حاجه كده و سابته و مشيت ************************************ قاعده فى اوضتها بتذاكر و فجاءة حسيت بقبضة قلب يا ترى فى ايه خييرر يااارب فكرت تكلم مالك و لسه هتمسك الفون تراجعت و افتكرت كلامه اخر مرة آيه : لا لا مش هتصل كفايه اوى كده يارب بس يحميك و تبقى كويس *********************************** فى مكان مختلف فى شمال سينا الساعه 5 الفجر مالك و رائد و ظباط تانين زمايلهم و عساكر و مجندين واقفين احد الضباط : هاه جاهزين يا رجاله مالك : انت لسه بتسال يا باشا احنا اسود رائد : على بركة الله يلا يا رجاله بدات المهمه و اتوزعوا الجنود و الظباط و بدأو يتعاملوا بالاشارات ، و بدأ الاشتباك بين القوات و عناصر مسلحة و ض*ب نار و قنابل وفجاءة رائد بصوت عالى : ماااااااالك. ..

Free reading for new users

Scan code to download app

App Store Google Play

Facebookexpand_more