Maaga ang pangkaraniwan kong dating sa trabaho, pero sa pagkakataong ito ay mas inagahan ko pa lalo para lang bumili ng pagkain sa isang kilalang food store—kung saan madalas bumili ng kape at pagkain si Ross. Binilhan ko siya bilang pang-peace offering ko na rin sa kanya sa naging kilos at pag-uugali ko sa kanya kahapon. Ngayon ko lang na-realize na mali iyong pagtrato ko sa kanya. Bakit ko nga ba nakalimutan na magkaibigan kami pero ganoon ang ginawa ko. Mas lalo akong tinubuan ng konsensya noong marinig ko ang mga sinabi niya kagabi.
" . . . and I don't want us being like this."
Kahit ako rin naman. Ayaw ko rin na mangyari talaga iyon sa pagitan naming dalawa. Hindi ako sanay at mas lalong ayaw kong masanay. Mas'yado na akong komportable sa presensya ni Ross kaya paniguradong hindi k
