Napatingala si Vivoree sa matayog na building ng Goldenscape Hotel kung saan niya kikitain si Tristan. Sa pagkakaalam niya, napakasikat ng naturang hotel at tanging mga mayayaman lang ang nakakapasok doon. Isang malalim na buntong hininga ang kanyang pinakawalan bago dahan-dahang naglakad papasok sa loob.
Kung gaano kaganda ang labas, mas nagsusumigaw sa karangyaan ang loob. Pinaghalong kulay itim at gold ang interior design habang animo salamin sa kintab ang sahig at pwede ka ng manalamin. Sobrang nakakalula.
"Miss Vivoree Escalante?"
Napalingon siya sa boses ng nagsalita at nakita ang isang lalaking nakasuot ng itim na suit at mukhang hindi nalalayo ang edad sa kanya. Nahihiya siyang tumango sa lalaki.
"I'm Ricky, Mr.Liu's personal assistant. Mr Liu is already waiting for you at room
