"Warren" mahina kong tawag sa pangalan niya, nanginginig ang buong katawan ko dahil kinain na ng takot ang buong sistema ko.
"Kailan ka pa umiinom nito?" tinignan ko ang kamay niya na may hawak na pills, gusto kong magpaliwanag pero hindi ako makakuha ng lakas ng loob para magsalita, tila umurong ang dila ko sa sobrang takot na nararamdaman ko,samantalang si Warren, halata sa kanya ang pinipigil na galit, ang mga kamay niyang kanina ay nakalahad habang ipinapakita sa akin ang mga contraceptive pills, ngayon ay namumula sa sobrang pagkakakuyom nito.
"Tinatanong kita Althea, kailan ka pa umiinom nito?" Ang boses na iyon, ayokong naririnig mula sa kanya ang ganoong tono ng boses, malamig, nakapangingilabot, tila ba kayang kaya nitong sugatan ang anu mang bahagi ng katawan ko.
"Dammit Alt
