"Pwede po bang kina Tita Ninang po muna ako tumira? " oo o hindi lang naman ang isasagot ko sa tanong na iyon ni Angelique pero napakahirap para sa akin, pigil ko ang pagtulo ng mga luha ko habang mataman kong tinititigan ang kanyang mga mata.
Hindi rin ako makahinga ng maayos, para akong sinasakal, nasasaktan ako dahil sa nangyayari pero higit ang sakit na nararamdaman ko para sa aking anak, hindi niya dapat maranasan ang rejection lalo pa kung magmumula iyon sa sariling ama, pero ano nga ba ang nangyayari ngayon sa anak ko?
Ang pag-iisip niya na pansamantalang tumira kina Jane ay lubhang nakakaalarma, para isipin niya ang bagay na iyon ay sadyang may nararamdaman sakit sa piling naming mag-asawa.
"Paano naman si Nanay? Hindi ako makakatulog kapag hindi kita nakakatabi baby"
"N
