“Bakit nandito ka?” tanong ko sa matandang si Matthew. Kuyom ang kamao ko na nilapitan ito.
Tulad dati, mayabang pa rin ang ngisi nito, kahit tagilid na ang kalahating bibig. Nakaramdam ako ng awa, dahil hindi naman naging pangit ang trato nito sa akin. Pero natabunan ng galit, dahil sa ginawa nito kay Lorna.
“Can we talk?” nahihirapan na sabi nito.
Hindi muna ako sumagot. Dahil gusto ko talaga itong suntukin, para mabura na ng maaga sa mundo. Pero kasal ngayon ni William at Lorna, hindi ko pwedeng sirain na lang. Matagal nila itong pinangarap.
“Doon tayo sa likod,” sabi ko sa dalawang bodyguard o assistant na kasama nito.
“I feel like I'm about to die,” sabi nito, hindi pa man lang kami nakakarating sa labas. Kaya't nakapamulsa at walang emosyon ko itong nilingon.
Pero sa loob
