- PAMELA -
PAPASOK ako sa trabaho ng maabutan ko si Gabriel sa may labas ng gate. Gwapong gwapo sa suot nitong puting casual long sleeved na nakatupi ang sleeve sa braso at bukas hanggang dibdib na pinarisan ng slim fit dark blue pants. Mukha siyang bad boy na yummy. Iyong tipong karangalan pa ng kahit na sinong babae kung isang Gabriel Sandoval ang babastos dito. Nakasandig siya sa mamahalin niyang Wrangler jeep at may sigarilyo sa kamay.
Ayaw ko sa lahat ay ang lalaking naninigarilyo. Pero bakit iba ang dating kapag si Gabriel ang may nakaipit na sigarilyo sa pagitan ng mga daliri nito? Mas nakadagdag pa yata ang sigarilyo sa angas ng dating niya sa mga mata ko.
Napakunot ang noo ko ng mapansin na madilim ang mukha niya. Tsk. Umagang-umaga mukhang bad mood siya. Ano na naman kaya a
