"Mukhang naaaddict ka na yata sa kaka-t****k mo ah. Hindi ka na umalis sa app na 'yan. Ilang araw ka ng subsob sa phone mo dyan."
Narinig ko ang boses sa kanan ko. Nilingon ko ito matapos kong ibaba ang phone na hawak ko.
"Pati ba naman pag cecellphone ko pakikialaman mo? Nag usap na tayo, hindi ba? Akala ko ba okay na? Dalawang araw na oh. Ngayon bumibira ka na naman." inis na sita ko dito.
"Sinasabihan lang kita dahil napapansin ko na sa dalawang araw na nakalipas ay panay ang t****k mo. Kapag free time, diyan ka naka tutok. Kahit ng mag dinner tayo kagabi sa inyo, buong oras na nasa phone ka lang. Ano bang nangyayari sa iyo? May dapat na ba akong ikabahala?" hinawakan nito ang balikat ko kaya napaharap ako dito.
Maingat kong ibinaba ang phone na hawak ko sa armchair.
"Masama na ba
