CHAPTER 8: Paghahanap
NAHIHIYANG iniyuko ni Sabel ang mukha habang nakasunod kay Gilbert palabas ng silid. Kinatukan kasi sila kanina ng katulong, at kailangan na raw nilang mag-aalmusal na. Niyaya rin siyang lumabas ng binata nang malaman nitong kumakalam na ang sikmura niya.
Mula sa pagyuko niya ay hindi niya kaagad napansin ang pagtigil ni Gilbert mula sa paghakbang nito. At hinarap siya nito. Sa sandaling iyon ay nauntog siya sa malapad, at matigas na dibdib ni Gilbert, bagay na ikinasapo niya sa kanyang noo. At pakiramdam ni Sabel, ay tila umalog ang utak niya.
Pag-angat niya ng mukha ay nakita niya ang pagkunot-noo ng binata, at binigyan lamang siya nang walang ekspresyon na titig.
“So-sorry,” nakangiting aniya at muling yumuko.
Subalit, maagap siyang napigilan ni Gilbert at
