Pagdating niya sa lobby, napansin niya si Wendy na naglalakad papalapit. Agad niya itong tinawag.
"Uy, dito ka pala! Ang dami ko pa palang hindi alam tungkol sa'yo," masayang bati ni Carmen. Tuwa siya na makita ang pinsan sa gitna ng hectic na araw.
Ngumiti si Wendy at lumapit. "Minsan, lumabas tayo para makapagkuwentuhan. Nasa Real Estate Department ako. Ikaw, kumusta naman ang first day mo?"
"Okay naman. Umalis si Tristan—ay, si Sir pala. May meeting daw siya ng 1PM," sagot ni Carmen.
"Tara na, sabay na tayong kumain," yaya ni Wendy.
Habang naglalakad sila papunta sa canteen, pasimpleng sinulyapan ni Carmen ang ID ng pinsan. Manager pala si Wendy, napaisip siya. Kaya pala parang may takot 'yung ibang staff sa kanya, bulong ni Carmen sa sarili.
Masaya silang kumakain habang nagkukuw
