Nagising si Carmen na may humahaplos sa kanyang buhok. Dahan-dahan niyang iminulat ang mga mata.
Pagkakita niya kay Tristan, nanlaki agad ang mga mata niya at tinulak ito palayo.
"Lumayo ka sa 'kin! Nasaan si Wendy?!" sigaw niya, punong-puno ng takot.
Agad namang pumasok si Mira, gulat at aligaga.
"Carmen, kalma lang! Nandito tayo sa kwarto. Naabutan kitang walang malay kanina—paalis ka na sana papuntang school." paliwanag nito habang hinahaplos ang likod niya.
Napakagat-labi si Carmen. Unti-unti na niyang naaalala. Ang mukha ni Wendy... 'yung itsura nito bago siya mawalan ng malay. At ang panaginip, kasama si Tristan.
"Si... si Wendy?" tanong niya, mahinang-mahina.
"Pumasok na raw. Sabi ni Tristan may usapan kayo na magkikita sa school kaya napasugod siya rito." sagot ni Mira.
Nap
