"Sorry, walang aircon ang bus," nahihiyang sabi ni Carmen kay Tristan.
"It's okay, Carmen," sagot ni Tristan, sabay ngiti at hawak sa kamay ng dalaga.
Matapos ang insidente, nagdesisyon si Tristan na umuwi muna si Carmen sa kanilang probinsya, para kahit papaano ay makapagpahinga ito at malayo sa gulo ng isip. Sa totoo lang, nakausap niya si Wendy tungkol sa nangyari. Naguguluhan din daw ito sa mga pinagsasabi ni Carmen.
"Nagtataka rin ako, Tristan," simula ni Wendy. "Kung ano-ano na lang sinasabi niya, na parang sinasapian daw ako ng masamang espiritu. Ang totoo, wala naman ako sa kwarto tuwing nangyayari 'yon. Siya lang mag-isa."
Tumango si Tristan. Totoo ang sinasabi ni Wendy, pero hindi niya maiwasang mag-isip. Lahat ng ito, parang nagsimula nang maging sila ni Carmen.
"Tristan...
