CHAPTER 10
NAKAPIKIT pa rin ang mga mata ko nang mariin pero nang maramdaman ko ang pagpisil na naman ng kamay ni Warren sa kamay ko ay nagkaroon ako ng kutob na... baka mukha na akong tanga ngayon kapipikit.
Dumilat na kaagad ako tama nga. Nandito na kami sa... ibang lugar.
Gubat pa rin naman siya pero kakaibang gubat. Iyong mga puno ay kulay puti ang mga dahon. Ang lupa ay berdeng-berde sa mga maliliit na d**o at ang hangin sa paligid ay napakasarap sa balat. May waterfalls sa bandang kaliwa malapit sa 'min at asul na asul ang tubig, halos kumintab pa ito na parang sobrang linis talaga.
"Ito na ba 'yung Magic Paradise?"
Umiling si Warren sa 'kin saka iginaya ako na magsimula na kaming maglakad padiretso, natanaw ko sila Luke at Farrah na nauuna na, mukhang tahimik pa rin at mal
