Matapos tawagan ni Valine si Chris ay nanghihina siyang napaupo sa sahig. Basang basa na ang kaniyang katawan ng dugo ni Aila dahil niyakap niya ito. At habang umiiyak siya ng tahimik ay nanginginig ang kaniyang kalamnan. Hindi niya inasahan na gagawin iyon ni Aila. Akala pa naman niya ay natauhan na ito. Ang pag- aakala pa naman ni Valine ay magiging magkaibigan pa silang dalawa ngunit nagkamali siya.
Dahil hanggang kamatayan ay sinamahan ni Aila si Jerick.
Marahil ay naisipan ni Aila na siya na lang ang pumatay kay Jerick kaysa ibang tao pa.
"Aila...ang tanga mo...napakarami pang lalaki diyan!" hindi mapigilang bulyaw ni Valine.
Ilang sandali pa ay dumating na si Chris kasama ang iba pang tauhan ng Bullets. Agad niyang niyakap ang umiiyak na si Valine.
"Baby....ssshhh...huwag ka n
