ICE CREAM
“Mama, bakit ka iyak?” malungkot na tanong sa akin ni Amer habang yakap-yakap ko siya.
Ang maliit niyang kamay ay nasa pisngi ko habang pinapahiran niya ang luha na dumadaloy sa pisngi ko. Pumikit ako at niyakap ng mahigpit ang anak ko. Hinalikan ko siya sa noo at inayos ang kanyang kumot.
“Mama, huwag ka na cry…Hindi na ako mamimilit sa ‘yo sa p-pagsama, basta huwag ka na cry.”
Kumirot ang puso ko sa narinig. Hindi dapat nakikita ng anak ko na umiiyak ako. Ngunit hindi ko mapigilan ang mapaluha habang kaharap ang anak ko. Tumatak pa rin sa isip ko ang masasakit na salita na sinusumbat ni Harry. Hindi ko akalain na ‘yon lang ang pinunta niya, para insultuhin ako. Hindi ko rin matanggap na mismo sa bibig niya nanggagaling na asawa niya pa rin ako. Pinermahan ko na ang annulm
