"Belle! Belle!"
Napaupo ako at umatras nang magmulat ang aking mga mata. Unti-unti ay luminaw ang malabo kong paningin at nakita si Mateo.
Nagpatuloy sa pagluha ang aking mga mata. Niyakap ko ang nanginginig kong mga binti at dinukmo ang aking mukha sa aking tuhod.
"Belle." May humawak sa aking balikat.
"Ah!" Natulak ko si Mateo at umatras muli ako palayo sa kanya.
Napailing ako. Hindi ko sinasadyang matulak siya. Nagulat lang ako. Niyakap kong muli ang aking mga binti.
"Belle, nanaginip ka." Umayos siya ng upo ngunit hindi na lumapit sa akin.
Dumukmo na lang ulit ako sa aking tuhod at hinayaan na munang ilabas ang mga luha kong hindi na maubos-ubos.
Unti-unti ay kumalma na ang aking pakiramdam. Inangat ko na ang aking mukha at nakita ko si agad si Mateo na natutulog sa banig n
