Kakatapos lang namin mag-almusal ni Mateo. Nag-ayos na kami dahil pupunta pa kami sa bilihan ng mga damit at sapatos. Bukas na ang kaarawan ni Kriselda at hanggang ngayon pakiramdam ko pa rin na mas ayos ng hindi ako pumunta. Baka masira lang ang kanyang araw kapag nakita ako.
"Tara na Belle." Hinalikan ako ni Mateo sa aking noo.
Ganoon na ganoon pa rin ang kanyang porma. Talagang kagalang-galang at ang linis niyang tignan. Kahit papaano naman ay nasasabayan ko ang kanyang ayos sa suot kong bistida na lagpas ng unti sa aking tuhod; hapit sa aking baiwang ngunit maluwag na ito pagdating aking binti. Malinis rin naman itong tignan dahil sa puting-puti nitong tela at may kaunting burda lamang ng bulaklak.
"Tara." Tinanguan ko siya at kumapit ako sa kanyang kamay. Mahigpit naming hinawakan
