NAGTATAKA SI MARKO dahil dalawang araw na siyang nag-aabang kay Clarise sa pinagtatrabahuan nito na coffee shop pero hindi pa rin niya ito nakikita. Kaya’t minabuti na niyang magtanong sa mga katrabaho nito para malaman niya kung ano na ang nangyari kay Clarise.
“Excuse me, Miss?” kinuha niya ang atensyon ng isang babae na lagi niyang nakikitang kausap ni Clarise tuwing nagpupunta siya roon.
“Ay! Goodmorning po, pogi—ay, etse, Sir pala,” tila kinikilig na bati nito sa kanya. “Ano pong kailangan nila, Sir?”
“Goodmorning din. Gusto ko lang sana magtanong tungkol kay Clarise? Dalawang araw ko na kasing hindi siya nakikita rito,” lakas-loob na tanong niya sa babaeng staff nina Mina at Mela.
“Naku, Sir, iyan nga din po ang ipinagtataka namin dito dahil tatlong araw na siyang hindi pumapas
