Kahit magaling na’y pinili muna ni Keith na sa bahay magtrabaho. Ito’y ayon na rin sa utos ng kanyang ama na siyang founder ng De Asis Construction and Development, Philippines. Sabagay ay puro papeles lang naman ang kailangan niyang harapin sa ngayon. Kung may mahalagang pirmahan ay dadalhin na lang ito ni Oswald sa kanyang apartment.
Alas-otso ng umaga kinabukasan, pumunta si Keith sa kanyang study room bitbit ang folder na inabot sa kanya ni Oswald. Kahit nasa bahay lang ay isang magandang flannel shirt ang kanyang suot at pinares sa itim na trousers. Gayunman, pinili niyang malambot na tsinelas na lamang ang isuot sa paa upang maging komportable. Isa pa’y upang ganap na gumaling na ang injury nito.
Pagbukas ng pinto, tila yelo na nanigas si Keith sa kinatatayuan. Ilang segundo rin si
