“Akala niya lagi na lang akong oo sa kanya?” Pumunit ng tissue si Sugar sa kahon nito sabay singhot. “Akala niya siya lang ang laging pagod? Bakit? Siya lang ba ang nagta-trabaho?” Hindi pa siya nakuntento at binato sa sahig ang mga unan na katabi niya sa higaan.
Tinabihan ni Irish si Sugar at niyakap ito. Kahit kailan ay hindi niya nakitang lumuha ang kaibigan. Kung hindi ito humahalakhak, lagi itong nakabungisngis lang. Ngayong halos mamikit na ito sa kakaiyak, siya ang unang nag-aalala. “Oh, my God. Sugar, kailan pa kayo nagkaroon ng problema? Bakit hindi mo naman sinasabi sa ‘kin?”
“Pasaway lang ako sa ‘yo minsan, sis. Pero ‘yong mga problema ko sa bahay, tinatago ko lang. Hindi mo na kailangang malaman ‘yon dahil alam ko namang stress ka minsan."
“Kahit na. Sana sinabi mo pa rin sa
