Pakiramdam ni Irish ay hinoldap siya sa tanong na iyon. Simple lang sana ang sagot dito, oo lang o hindi. Ngunit bakit kay bigat aminin ang katotohanan sa binata? Bakit tila kay hirap na umusad mula sa nakaraan at pagbigyan ang kanyang tunay na kaligayahan?
“Katulad nga ng sinabi ko, business partner ang tingin ko sa ‘yo. I hired you as my fake husband and I’m just your client. Iyon lang iyon, Kanye. Nothing more, nothing less.” Hindi niya namalayan at tumulo ang isang malaking butil ng luha. Mabilis niyang pinunasan ito at siya’y tumikhim. “Now let’s go.”
Hinayaan ni Keith na matulala nang ilang segundo upang analisahin ang tinuran ni Irish. Kalituhan ang bumalot sa kanyang isipan. Bakit iba ang sinasabi ng dalaga sa ikinikilos nito sa nagdaang limang buwan? May kliyente ba na kung mak
