“Handa na ang lahat ng papeles,” ani Keith kay Irish. “Inalam ko rin ang ospital na paglilipatan kay Mommy. Mukhang maganda naman doon dahil isa raw ang Mount Sinai Hospital sa pinakamagaling na ospital para sa heart surgery sa US. Huwag ka na ring mag-alala sa tutuluyan ninyo ni Manang Linda. Nagpareserved na ako ng hotel room para sa inyo.” Inilagay niya sa kamay ng dalaga ang isang maliit na card. “May susundo sa inyo sa airport pero kung sakaling hindi nila kayo makita, ‘yan ang contact number ng assistant.”
Bahagyang nanginginig ang kamay ni Irish habang pinagmamasdam ang card. Kinuyom niya ito at napapikit, saka sumubsob sa dibdib ng binata.
Sinagot ito ni Keith ng isang mahigpit na yakap. “Anong problema? May nakaligtaan pa ba ako?”
“Wala, Keith.” Umangat ang namumulang mukha ni
