ILANG na ilang si Luisita habang hindi makatingin si Cecilio sa mga kasama nila sa living room. Hindi siya sanay na nagsisinungaling. Hindi siya komportable na pati kay Lola Ancia ay nagsisinungaling sila ni Cecilio.
Nasa Villa Cattleya sila. Sinorpresa nila si Lola Ancia sa kanilang pagdating. Bukod sa matanda, naroon din sina Eduardo at Jeff Mitchel. Ramdam na ramdam niya ang tensiyon sa paligid. Naramdaman niyang nakatingin sa kanila ang dalawa.
Nakaakbay sa kanya si Cecilio ngunit hindi sa karaniwang paraan. May pagka-possessive ang pagkakaakbay nito sa kanya at alam niyang napansin iyon nina Eduardo at Jeff Mitchel. Hindi kasi sila physically close ni Cecilio sa harap ng ibang tao. Hindi siya nito inaakbayan kapag kasama nila ang dalawa. Mas madalas na iniinis siya nito kapag kahara
