HINDI alam ni Luisita na ganoon na katindi ang pangungulila niya kay Cecilio hanggang sa muli niya itong makaharap. Siya ang sumundo rito sa airport. Hindi nito ipinaalam sa pamilya nito ang pagdating nito. He wanted to surprise everyone.
Hindi niya maalis ang kanyang paningin dito. Hindi niya maigalaw ang kanyang mga binti. Gusto niyang takbuhin ito at salubungin nang mahigpit na yakap, ngunit hindi niya mautusan ang kanyang sarili. The overwhelming relief of seeing him again made her feel so weak.
Isang matamis na ngiti ang ibinigay nito sa kanya na nagawa naman niyang suklian. Ito ang lumapit sa kanya at yumakap. Umapaw ang kaligayahan sa puso niya.
“Welcome home,” aniya habang nakayakap dito. Kung maaari lang ay hindi na niya ito pakakawalan pa. Gusto niya itong yakapin nang mahigp
