LABIS na nalungkot si Luisita nang kailangan nang umalis ni Cecilio. Normal naman ang away sa kanilang dalawa kaya hindi na naging big deal ang nangyari. Napakadali para sa kanya ang mapatawad ito.
Hindi na siya kinausap uli ni David hanggang sa matapos ang kontrata niya sa pinagtatrabahuhan niya. Kahit naman nanatili ang interes nito sa kanya ay hindi na niya ito kayang i-entertain. Pagkatapos niyang aminin sa kanyang sarili na umiibig siya kay Cecilio, hindi na yata niya kayang tumingin sa ibang lalaki sa romantikong paraan. Ayaw na niyang lokohin ang kanyang sarili.
Nang matapos ang kontrata niya sa dating pinagtatrabahuhan niya ay nakahanap naman agad siya ng bagong trabaho. Mas malaking kompanya at mas mataas ang posisyon niya. Itinuon niya ang lahat ng atensiyon niya sa trabaho. P
