معاناة عاشق

7 الجزء السابع

الجزء السابع

* . . . فى المشفى . . . *

قال راسل بغضب و هو يجلس شيروت جوارة بقوة :

اسيبك يومين ألاقيكى مع واحد

شيروت بإستغراب و دهشه :

واحد إزاي يعنى مش فاهمه دا

لم تكمل حديثها لانه قال بتعب :

امشى من وشى دلوقتى يا شيروت لانى بجد مش قادر اتكلم

شيروت بقلق :

طب لحظه هجيب ماجد يشوفك

قال راسل بغيظ :

بردو م**مة تخلينى اتعب و بعدين مين سى زفت دا كمان ها

شيروت بغباء :

هو أنت بتقول على ماجد

اومئ رأسه و هو يطالعها بضيق شديد . . . . . فقالت بجدية :

إلا ماجد مستحيل أسامحك لو غلطت فيه أنا بقولك أهو

راسل بإبتسامة ساخرة يبتلع غصته بعد أن أبعد نظره عنها :

طبعا بتحبيه و خايفه على زعلة

تن*دت شيروت بحزن و قالت بحنان وهى تضع يدها على وجنته :

أسفه يا حبيبى بعترف إنى فهمتك غلط بس حاول تفهمنى انا فكرتك بتستغلنى علشان تساعد اراس الغبى

قالتها و هى تلعن اراس بضيق شديد . . . قال بإبتسامة بلهاء و عدم تصديق :

انتى قلتى ايه

شيروت بغباء و هى ترفع حاجبها :

علشان تساعد اراس الغبى

راسل بغيظ :

قصدى الجملة الاولى يا حبيبتى ركزى

شيروت بإبتسامة صغيرة بها بعض الخجل :

أسفه يا حبيبى

راسل بنبرة حادة و اندفاع شديد :

و بما انى حبيبك يا ست هانم . . . . مين الاخ اللى كان هنا دا ها فهمينى بقى

سحبت يدها من على وجنته و قالت بحب :

دا ماجد ابن عمى هو كل عيلتى . . . . و هو اللى اتكفل بتربيتى لما اهلنا ماتوا فى حادثه و حتى متجوزش علشانى و علشان يهتم بيا . . . . ارجوك يا راسل ماجد ابويا و اخويا هو كل عيلتى مش عاوزاك تجرحه باى كلمة علشانى لو بحبنى بجد هتسمع كلامى

اومئ رأسه و قال و هو يغمض عيونه :

هو فين رجلى وجعانى

شيروت و هى تقف :

هروح اشوفة

سحبها من يدها و قال و هو يمسك يدها :

لا مفيش داعى خليكى معايا

اومئت رأسها ثم جلست جواره . . . . ظلت تلعب ب*عرة الى ان غفى تابعته و على شفتها ابتسامة هادئه و غفت هى الاخرى جوارة دون شعور منها . . . . . . . . *

* . . . فى الصباح . . . *

فى منزل فتون

استيفظت فتون قامت بفتح جفونها ببطء . . . . قالت بحيرة و هى تتثائب :

يا ترى هو فين

بحثت عن اراس لم تجدة نظرت للغرفة بفزع ثم قالت و هى تنظر ل ثيابها :

لا مش حلم بس يا ترى هو فين

نزلت الى اسفل و هى تركض وجدت والدها هو و اراس يحتسون قهوة ويتحدثون بموضوع هام لكنهم توقفوا عن الحديث عند رؤيتها قالت بشك :

كنتوا بتتكلموا فى ايه

صلاح بهدوء :

جهزى الفطار

اومئت رأسها بطاعه و ذهبت لتبديل ثيابها و التجهيز اولا ثم تبدأ بإعداد الطعام تابعها اراس الى ان اختفت ثم قال و هو ينظر ل صلاح الهادئ :

لازم اختفى

صلاح بهدوء :

عارف فى شخص واحد بس هو اللى هيقدر يساعدك

اراس بتنهيده و فضول شديد :

هو مين

صلاح ببرود :

هى مين

عندما قالها رن جرس المنزل . . . . وقف صلاح ثم ذهب لفتح الباب وجد امامه مها التى نظرت له نظرة فهمها جيدا نظرة حب و عتاب و اشتياق . . . . اشاح بصرة ثم أردف بجمود :

ادخلى

دلفت و جلست بعد ان صافحت اراس مها بهدوء :

فين فتون

لم بجيب صلاح و لاحظ ذلك اراس فقال :

فى اوضتها دلوقت هتيجى

اومئت رأسها و قالت بجدية :

خير اقدر أساعدكم إزاي

اخيرا تحدث صلاح و قال ببرود :

عاوز حماية

مها بهدوء و هى ترفع حاجبها بملامح حائرة :

ليك

لا الخراسه ليا انا :

قالها اراس بعد أن حمحم

مها بهدوء و تسأل :

ممكن افهم ليه

اومئ رأسه و بدأ بالسرد لها لم يلاحظ لا هو و لا أحد منهم فتون التى استمعت لحديثه بالصدفة . . . . قالت مها بجدية بعد ان انتهى اراس من الحديث :

ممكن اقبض عليه عادى طلما معاك أدله

اراس بسرعة :

لا دا صاحبى مستحيل أذية هو ميعرفش الحقيقه و كمان الانتقام منى عماه

صلاح ببرود :

عاوز حماية و الاهم مكان يفضل فية مش هينفع يفضل هنا كتير مكانه هيتعرف

اومئت رأسها و قالت بثقه :

متقلقش مكانك عندى بيتى عليه حراسة مش هيحصلك حاجه ممكن تيجى تسكن عندى الفترة دى

اومئ رأسه دون ان يتحدث اما صلاح تابعها و هى تتحدث بهدوء . . . . تبا له لقد اشتاق لها حد اللعنه لعن نفسه كثيرا دلفت لهم فتون بإبتسامة مزيفه حتى لا يعلموا بأنها سمعت حديثهم قالت و هى تضم مها :

وحشتينى يا خالتى

مها بحنان :

و انتى يا قلب خالتك هتيجى معايا

فتون و هى تنظر ل اراس الذى تابعها بهدوء :

اكيد هاجى هقعد اسبوعين لان دراستى هتبدأ قريب

اومئت مها رأسها بتفهم و قالت بإبتسامة صغيرة :

تمام يا روح قلبى يلا بسرعه روحى جهزى حاجتك و انا هستناكى لحد ما تخلصى

اومئت فتون رأسها و قالت بحماس و هى تقف :

هحضر الفطار الاول و نفطر و بعدين نمشى

اومئت مها رأسها بعدم اهتمام . . . . ركضت فتون الى المطبخ ثم بدأت بإعداد الطعام لا تصدق انها ظلمت اراس قالت بصوت منخفض :

طب هو مقلش ليه

قال أراس و هو يضمها من الخلف ويضع رأسه بعنقها :

أسف سامحينى

فتون بضيق :

اراس انت مخبى حاجه عنى

قال و هو يديرها له و يضع يده على خصرها :

فى هتعرفيها بس مش دلوقت

نظرت له بسخريه و سخط . . . فقال بشبهه ابتسامة :

اضحكى بقى عاوز أشوف ضحتك الحلوة

ابتسمت بخجل و قالت بإرتباك :

امشى علشان عاوزه احضر الاكل و مش عارفه اعمل اى حاجه بسببك

اراس بعد ان تركها :

هساعدك

قالها و بدأ بمساعدتها تابعته فتون بإبتسامة سعيدة . . . . . . *

* . . . فى الخارج . . . *

اخرجت مها هاتفها و قالت بإبتسامة :

حبيبى عامل ايه

فتح صلاح عيونه على وسعها حنى أنه سيطر على نفسه بصعوبه بالغه قالت بجدية :

اسمعنى ممكن تشوف حد يطلع المهمه بتاعت النهاردة مكانى لانى مشغولة كتير و مش هقدر اروح

رفع صلاح حاجبة و تابعها و هو يسيطر على غضبه بعد قليل من الحديث أغلقت الخط و على شفتها ابتسامة صغيرة . . . . نظرت ل صلاح و لم تتحدث قال ببرود :

اتخطيتى ال حصل زمان و عشتى حياتك برافو عليكى

مها بإستغراب :

قصدك ايه

صلاح بإبتسامة ساخرة :

قصدى على المكالمه

قالت مها بمكر و هى تقترب منه بدلع :

لسه بتغير عليا

قال ببرود حتى يسيطر على نفسه و ألا يقوم بصفعها :

أنا هغير عليكى بمناسبه ايه

قالت بعد ان جلست جوارة و تلعب بأزرار قميصه :

اممممممم كذاب عاوز تقتلنى محدش هيعرفك قدى

أمسك يدها بعنف و قال بهمس :

اخرسى و إلا هتندمى

قالت مها بهدوء و هى تنظر بعيونه :

مش ناوى تنسى ال حصل زمان

صلاح بنبرة حادة ويمسك شعرها بقوة :

أنسى انك قتلتيلها انتى واحدة مريضة

مها بصراخ سمعه اراس و فتون :

مقتلتهاش مستحيل أقتل أختى . . . . انت اتجننت انت حتى مسمعتش منى حصل ايه فى اليوم دا اتهمتنى و خلاص

قالتها ثم تحررت من بين يداه . . . . قالت بجدية و هى تقف :

خليك ورا الاوهام بتاعتك و صدقنى هتندم لما تعرف الحقيقه ساعتها بقى هتكون خسرتنى بجد

أتت فتون مع اراس و قالت بقلق :

فى ايه يا خالتى

مها بهدوء مزيف :

مفيش انا همشى عندى شغل و انتى عارفة بيتى ابقى هاتى اراس معاكى هستناكم

قالتها و ذهبت و هى تشعر بالغضب بسبب صلاح الذى تابعها ببرود . . . ذهبت سريعآ دون ان تقول اى شئ اخر . . . . . .

فتون بجدية و حيره :

اى علاقة موت ماما ب خالتى مها يا بابا

لم يجيب عليها صلاح ذهب من امامهم . . . . تن*دت فتون بضيق اراس بهدوء :

روحى جهزى حاجتك علشان نمشى

اومئت رأسها و ذهبت لتجهيز اغراضها و هى تشعر بالحيرة يا ترى ما الذى حدث جعل والدها يبغض خالتها بهذا الشكل . . . .

اما اراس ذهب لغرفة صلاح و دلف دون دق على باب الغرفة عندما سمع صراخ صلاح

وجد الغرفة مدمرة و صلاح يجلس على الفراش وهو منحنى الرأس . . . . اراس بهدوء :

ممكن اعرف حصل ايه

صلاح ببرود :

قتلت ماجدة مراتى

رفع حاجبه و قال بعدم تصديق و اهتمام شديد بعد أن جلس جوارة :

قتلتها ازاى يعنى مش فاهم

بدأ صلاح بالسرد و هو شارد بالماضي :

فى اليوم اللى ماجدة ماتت فيه بعتت رساله و قالت ان مها بتحاول تقتلها لانها بتحبنى . . . . رجعت البيت بسرعة ملقتش حد ناديت كتير محدش رد عليا . . . . روحت الاوضة بتاعت فتون ملقتهاش جريت على اوضتى لقيت ماجدة مرمية فى الارض وحواليها دم و مها قدامها و معاها سكينه مليانه دم و كانت حاضنه فتون و كان مغمى عليها . . . . المجنونه قتلت اختها علشان تمتلكنى

اراس بهدوء و ملامحه جامده :

يعنى انت بتحبها

صلاح بجدية :

اليوم اللى روحت اتجوز فيه كنت بطلب ايد مها لاننا كنا بنحب بعض بس محدش كان يعرف بالموضوع . . . . حمايا قال ان مها لسه صغيرة على الجواز لانها كان عندها 16 سنه و انا كنت 24 سنه موافقش فقال ل ابويا انى اتجوز ماجدة لانها الكبيرة و طبعا ابويا وافق و انا مقدرتش اتكلم و ا**ر كلمت ابويا اتفقت انا و مها اننا منشوفش بعض تانى و ننسى الحب اللى كان بينا مكنتش عاوزه تجرح اختها و انا مشوفتهاش غير يوم الحادثة

اومئ اراس رأسه بتفهم :

و انت متأكد انها قتلتها لان ساعات كتير الحاجه ال بنشوفها بتكون غير الحقيقه

صلاح بتنهيدة عميقه :

الشرطة أثبتت انها بريئة بس الحقايق مخفيه مش عارف الحقيقه من الكذب

اراس بإبتسامه صغيرة :

لسه بتحبها

صلاح بشرود :

عمرى ما نسيتها و لا حتى طلعتها من قلبى . . . . حاولت كتير بس مقدرتش لا انساها او حتى اطلعها من قلبى

اراس و هو يقف :

يبقى اتكلم معاها و افهم منها ايه حصل فى اليوم دا

قالها ثم خرج من الغرفة نظر صلاح بأثرة بشرود . . . دلف اراس غرفة فتون بعد أن دق على باب الغرفة

قال بهدوء :

انتى كويسه

اومئت رأسها و قالت بحيرة :

يا ترى حصل ايه انا اول مره أشوف بابا بالشكل دا

قال اراس و هو يداعب وجنتها بيده :

الحقيقه هتظهر بس الصبر

فتون و هى تلوى فمها :

مش ناوى تقولى مخبى عنى ايه و ليه اتصرفت معايا كده يوم الحفلة

اراس بسرعه :

ايوا احكيلى حصل ايه يوم الحفله

فتون بإستغراب :

يعنى انت معرفتش

اعتقدت ان ابيها اخبرة ما حدث اراس بنبره حادة عندما اخبرته ما حدث :

هستناكى تحت متتأخريش

قالها ثم خرج سريعآ . . . . تحدث على الهاتف قليلا ثم اغلق الخط نظر امامه بشرود أتت فتون و هى تحمل حقيبتها قالت بإستغراب :

فين بابا

اراس بهدوء :

خرج يلا نمشى علشان الوقت

اومئت رأسها بإبتسامه جانبيه . . . . فقال بجدية :

اخرجى هتلاقى عربيه برا قدام البيت اركبيها بتعرفى تسوقى العربية الاول

نفت رأسها بإبتسامه بلهاء قال بهدوء :

طب اسمعينى كويس و نفذى

قالها و بدأ بالسرد . . . اما هى استمعت له جيدآ دون ان تتحدث عندما انتهى قال و هو يعطيها مفاتيح سيارة :

نفذى و روحى على العربية علطول

اومئت رأسها و قامت بحمل حقيبتها ثم خرجت الى الخارج بخطوات بطيئه . . . . . ركبت مكان السائق و انتقلت الى الخلف مثلما قال لها اراس ثم انزلت رأسها اما اراس قال ببرود :

نفذ

عندما قالها سمع صراخ بالخارج نظر من الشرفة ركض الى الخارج و هو يرتدى نظارته الشمسية و على شفته ابتسامة صغيرة لقد اخبر رجالة ان يشغلوا رجال ماذن حتى يركب سيارته الغبى يعتقد أن أراس غبى و لن ينتبه الى رجاله . . . . . . . . . . . . . *

قال بهدوء بعد ان ابتعد عن المنزل :

تعالى

قالت فتون بإستغراب بعد أن انتقلت جوارة :

فى ناس كانت بتتخانق

اومئ اراس راسه بعدم اهتمام . . . . لم تتحدث فقال بهدوء :

اسف

فتون بجدية :

قول الحقيقه و انا هسامحك

تعلم الحقيقه لكنها تريد ان تسمعها منه لا تريد منه ان يخبئ عليها شئ و ألا يكذب عليها مهما يحدث معه . . .

اراس :

مش دلوقت بعدين

نظرت له بضيق فقال بتنيهده عميقه :

حبيبتى اوعدك هقولك فى الوقت المناسب تمام بس متزعليش

اخبرته موقع منزل خالتها و اغمضت عيونها . . . . غفت دون شعور منها لا تعلم انه يعلم موقعه بالفعل لانه كان يراقبها رن هاتفه فقام باخرجه من جيب بنطاله وجد وافى فأجاب عليه بصوت منخفض حتى لا تستيقظ فتون . . . . قال وافى بصراخ :

هرب

علم اراس من يقصد فقال بغضب وهو يصك على اسنانه :

من امته

وافى بحده و عيون مشتعله :

من يومين لسه عارف دلوقت

اراس بجدية بعد ان تن*د بعمق :

انتبه و كثف الحراسة عليهم اكيد هيحاول ينتقم من الكل و متنساش احمى ماذن هيأذية لانه مفكر انه انا و لو يعرف هيحاول يأذيه بردو انت عارفه انه بيكرهه

وافى بهدوء :

و انت

اراس بإبتسامه واثقه :

متقلقش هكون كويس و الحقيقة هتظهر قريب للغبى ال عندك بس اوع تأذيه متنساش انه اخونا

تحدث معه قليلا و اغلق الخط نظر ل فتون وجدها تنظر له بحدة رفع حاجبة و قال بتسأل و حيره :

مالك

لم تجيب انما نظرت للخارج بشرود . . . . استيقظت عندما سمعت صوت اراس و هو يتحدث على الهاتف فإستيقظت و تابعته بفضول تريد ان تعلم عما كانوا يتحدثون لكنه لن يخبرها اى شئ هى تعلم ذلك . . . . *

* . . . فى المشفى . . . *

قالت حسناء و هى تتثائب :

هما لسه نايمين و الا ايه

اومئ حسام رأسه و قال و هو يقف عندما سمع صوت هاتفه و هو يرن :

عن اذنكم شوية و جاى

قالها و ركض ليجيب على حبيبته . . . . قالت حسناء و هى تضع رأسها على كتف وافى :

يا ترى حصل بين الاتنين اللى جوا دول ايه

وافى بإبتسامه ساخرة :

اكيد اتصالحوا علشان كده محدش نده علينا و لا عبرونا حتى

اومئت رأسها و قالت بإبتسامه سعيده و ما زالت مستندة الراس على كتفه :

ربنا يسعدهم

وافى بجدية :

مش ناوية تتجوزى بقى

حسناء بتنهيدة عميقه :

مش عارفه حسه انهم كلهم عاوزين ي**عونى علشان كده برفض كل اللى يتقدملى

رفع حاجبه و قال بشرود :

تعرفى لما كنتى صغيرة جيتى مرة مع راسل اتعرفنا عليكى و كمان

اوقفته حسناء و هى تقول بحزن :

و ماذن بس للأسف مات ربنا يرحمه تعرف كان قلبه طيب غير اخوة

وافى بهدوء :

لو عرفتى انه ممتش هتعملى ايه

جعدت حاجبها و قالت بصدمه و انتباه و هى تنظر له :

قصدك ايه ممتش ازاى

كان وافى سيتحدث اوقفه صوت عبد الستار و معه عائلته ما عدا رويدا التى ظلت مع سيف بالمنزل و بنفس الوقت أتت عائلة راسل و معهم مرجان و ترك ايمان بالمنزل . . . . . . . . . . *

قال عبد الستار بهدوء :

خير يا ابنى

وافى بجدية :

راسل عمل حادثه مفيش داعى للقلق هو بقى كويس متقلقش

اومئ رأسه نظر وافى ل تبارك التى نظرت له بحدة و لم تتحدث ذهبت حسناء و تركتهم دون ان تحيهم . . . .هى كانت شاردة بحديث وافى جلست بحديقة المشفى و هى تفكر هل يعقل انه ما زال على قيد الحياة لم كذبوا عليها و أخفوا الامر عنها لم تشعر بمن يقوم بتصويرها و قد ارسل الصور الى ماذن الذى قال بنبرة حادة عندما رأى صورها و هى تستند على وافى :

مستحيل تكون حبيبته

قال شقيقه جابر بخبث من الخلف :

انتقم منه فيها و كده تكون دمرته ممكن كمان ينتحر ساعتها

نظر ماذن ل صورتها و تن*د بضيق لا يستطيع إيذائها انها صغيرته التى كانت تتحامى به دائما و هى صغيرة لكنها تركته و ظلت مع اعداءة هذا ما اعتقدة لم تعلم حسناء بما حدث لانهم اخبروها انه مات لهذا حاولت نسيانه قال ببرود الى جابر الذى يطالعه بخبث شديد :

هنتقم بطريقتى مفيش داعى تنصحنى

اومئ جابر رأسه و جلس على الاريكة براحة ثم بدأ بتناول الطعام بشراهه . . . . تابعه ماذن بإبتسامه ساخرة ثم ذهب من امامه يشعر بالضيق عندما يرى هذة الصور قام بمسحهم لكنه ظل يفكر بهم و بشكلهم كيف يظهر على شكلهم انهم عشاق و ليس اصدقاء . . . . . . *

* . . . فى المشفى . . . *

استيقظت شيروت و نظرت ل راسل الغافى بإبتسامه صغيرة دق باب الغرفة ابتعدت عنه و فتحت الباب وجدت وردة التى قالت بإبتسامه هادئه :

صباح الخير يا حبيبتى

شيروت بخجل :

صباح النور يا طنط

قالتها و هى تبتعد لتدخل وردة الغرفة وردة بهدوء :

راسل عامل ايه دلوقتى

شيروت بجدية:

ماجد قال انه بخير متقلقيش عليه

اومئت وردة رأسها ثم قبلت جبين راسل الغافى دلف ماجد و قال بصوت منخفض و هو يتثائب :

نمشى

قالها ل شيروت التى نظرت الى راسل بحيرة فقالت وردة بإبتسامة :

روحى ارتاحي شويه و بعدين تعالى متقلقيش انا معاه

اومئت شيروت رأسها ثم ذهبت مع ماجد بعد ان ألقت نظرة على راسل . . . . . . . . . . . . *

* . . . فى الخارج . . . *

ظل وافى يتابع تبارك التى لم تنظر له و تنظر امامها بشرود قال بجدية و هو يقف :

ممكن اتكلم مع انسة تبارك دقيقتين يا عمى

اومئ عبد الستار رأسه سحبها خلفه لم تتحدث انما ذهبت معه بكل هدوء . . . . . . . *

قال بهدوء بعد ان اخذها الى الشرفة :

مالك

تبارك بنبرة حادة :

ممكن اعرف اى دا

قالتها و هى تريه الخاتم الذى البسها اياه بالخطبة قال بشبه ابتسامة :

خاتم الخطوبة بتاعنا

تبارك بغيظ :

وانا كنت وافقت علشان تلبسهولى يعنى و الا حضرتك بتدبسنى فيك و خلاص

وافى بتردد :

اسف انا

تبارك بإرتباك :

انت اي كمل

وافى بحب و هو يمسك يدها :

بحبك من اول مرة شوفتك فيها

ابتلعت ريقها و نظرت له بصدمة ثم قالت :

بس انت متعرفنيش غير من 4 شهور

وافى بهدوء :

لا اعرفك من سنتين شوفتك فى فرح سيف و رويدا بس انتوا مشوف*نيش مفيش غير عمى عبد الستار ال شافني

تبارك :

بابا عارف بالخاتم

قالتها و هى تنظر للخاتم بشرود اومئ رأسه بثقه و شبهه ابتسامه على شفته ثم قال :

محدش يعرف بالخطوبه غير عمى اوعى تقولى لحد عليها مش دلوقت حياتك هتكون فى خطر انتى فهمانى

قال جملته الاخيرة بصرامة و هو يمسك يدها بشده اومئت رأسها بتردد . . . قالت بغيرة واضحة بعد ان تذكرت حسناء :

مين اللى كانت معاك لما جينا دى

وافى و هو يضحك :

بتغيرى عليا

نفت رأسها و قالت بنبره غاضبه :

لا طبعآ و اتفضل قول هى مين بقى

وافى و هو يكتم ضحكه كانت ستخرج من فمه :

اهدى حسناء اخت راسل التؤام و كمان تعتبر اختنا احنا اتربينا مع بعض علشان كده مفيش داعي للغيرة

قالها ثم قبل يدها و يناظرها بحب . . . . ذهبت من امامه و تركته و هى تفكر بحديثه حتى أن وجهها أصبح لونه باللون الاحمر . . . . . . . . . . . . . . . . . . يتبع . . . *