احببت منقذي

في القصر كان نايم ع الكنبه اللي في مكتبه و صاحي مفزوعا و بيصرخ بصوت عالي:لا لا استنوا. ثم راحت لي العمه زينب وهي بتقول:مالك ي علي ايه اللي حصل ي حبيبي. علي وهو بيحاول ياخد نفسه:نفس الكابوس ي عمتو . زينب بحزن:معلش ي حبيبي هيجي الوقت وينتهي الكابوس ده زي اللي فات. علي:نفسي ينتهي. زينب بابتسامه:ان شاء الله هينتهي وبعدين تعالي هنا ي واد انت ايه اللي نايمك هنا. علي بضحك:جيت امبارح وكان في شويه شغل لازم يخلصوا ف و انا قاعد غلبني النوم. زينب:ماشي يلا قوم اطلع أوضتك غير هدومك وانزل افطار. علي:حاضر. ثم راحت هي المطبخ وهو راح اوضته. ___________________________________________ في بيت صغير وبسيط صاحيت ع صوت عم ياسر اللي بيبيع الخضار. و هي تقول:احلي حاجه انك تقوم ع صوت عزب وجميل. سمعت امها وهي بتنادي عليه: نهي ي نهي اصحي بقالي ساعه بصحي فيكي هتتاخري ع الشغل ده اول يوم. نهي:صحيت ي ماما عمو ياسر صحاني. نهي مسكت الفون وبصت في لاقت صاحبتها رنت اكتر من ٣٠مره ف رنت عليها . اول ما ردت. نهي:ايه في ايه ع الصبح حصل مصيبه هدير انتي سكتا ليه يبقي حصل حاجه.. هدير بصوت عالي:اهدي اديني فرصه اتكلم حرام عليكي. نهي:ما انتي اتكلمتي اهو ايه اللي حصل بقي. هدير: هو لازم يحصل حاجه عشان اكلمك ي اللي يجيلك ض*به. نهي بمرح:يجيلي عريس احسن نيهااااا وكمان انا مش مستريحه ليكي وحاسه انك مخبيه حاجه قولي ي بت مخبيه ايه . هدير:مخبيه ايه يعني و كمان مش انتي اللي قولتي هدير اتصلي عليا الصبح عشان اروح الشغل مش ده كلامك . نهي:اه ي ستي وكمان انا صحيت ع احلي صوت ف مصر صوت عم ياسر بتاع الخضار تعرفي دي احلي حاجه . هدير بضحك:طب والله كتر خيره. نهي:ي بنتي انا نومي خفيف ف بصحي من اقل صوت. هدير:واضح ع اساس اني رنيت عليكي فوق ٣٠ مره. نهي:انا مالي الفون كان سيلنت. هدير:سيلنت ماشي ع العموم قومي روحي شغلك يلا. نهي:تمام ادعيلي بقا مترضش قبل ما اشتغل. هدير بضحك:حاضر سلام. نهي قامت تاخد دش وتلبس وتستعد ل اول يوم شغل. ___________________________________________ على السفره كان علي قاعد مع عمتو زينب. علي:الحمد لله هقوم انا امشي عايزه حاجه ي زوزو. زينب:لا ي حبيبي بس متتأخرش عشان عاوزاك ف حاجه. علي: في حاجه ي عمتو حصلت. زينب بحب:لا ي حبيبي كنت عاوزه اتكلم معاك. علي بابتسامه:حاضر ي حبيبتي مش هتاخر سلام. ___________________________________________ عند نهي خلصت لبس وطلعت لمامتها. نهي:صباح الخير ي شوشو. الام شهد وهي بتزق نهي بره الشقه : مش وقت صباحات يلا عشان اتأخرتي وخدي فطارك يلا. و قفلت باب الشقه. نهي بزهول: اومال لو عرفت ان هو محل ورده هتعمل ايه ع العموم شكرا ي مصر. نهي نزلت وركبت اتوبيس وصلت ونزلت قدم محل ورد شكله جميل دخلت كان في رجل عجوز قاعد ع الكرسي. نهي بابتسامه:ازيك ي عم ياسين. ياسين:مين. نهي:انا نهي يا عم ياسين. ياسين باستغراب:نهي مين انتي حراميه ي بت. نهي بصدمه:حراميه ايه ي عم ياسين انا نهي اللي هشتغل معاك انت نستني ولا ايه. ياسين:اه نهي عامله ايه ي بنتي. نهي:الحمد الله انت عامل ايه ي عم ياسين. ياسين:اهو ي بنتي عايش والحمد لله. نهي بضحك:ربنا يد*ك الصحة + هشتغل ايه معاك بقي ي عم ياسين ولا نسيت . ياسين بضحك:لا منساتش هتبيعي انتي الورد و توصلي عشان انا ي بنتي خلاص بقيت انسي كتير. نهي بابتسامه:متقولش كده ي راجل انت الذاكره عندك احسن من عندي. ياسين:الحسد الله اكبر. نهي بضحك:ماشي ي عم ياسين يلا ع شغل. ___________________________________________ كان قاعد في مكتبه و دخلت السكرتيره. السكرتيره:مستر علي في حد بره و بيقول ان عاوز حضرتك ف شئ ضروري. علي:مين ده ي نرمين. نرمين:هو مش عاوز يقول اسمه هو قال ان في حاجه لازم حضرتك تعرفها. علي:تمام خلي يدخل. نيرمين:حاضر. ____________________________________________ عند نهي كنت بتحضر بوكيه ورد. نهي:انت متاكد ي عم ياسين ان ده هو العنوان. ياسين:اه ي بنتي انا كل يوم ابعت الورد عليه. نهي:ي عم ياسين انت مش فاهم ده لو طلع غلط هيكون ده تالت عنوان يطلع غلط وانا مفيش حال ي عم ياسين. ياسين:طب استني انا هوريكي الدفتر. وطلع دفتر و اخدته نهي. نهي:وده كان فين من بدري ي عم ياسين. ياسين:ايه ده ي بنتي. نهي:الدفتر. ياسين:دفتر ايه. نهي:خلاص ي عم ياسين كويس ان انت افتكرت ده. نهي اخدت البوكيه وراحت ع العنوان بعد ما اتاكدت ان العنوان صح. ______________________________________________ عند علي ف المكتب. الشخص:ازيك يا ولد عمي. علي بعصبيه:انت ايه اللي جابك هنا ي مازن. مازن:وه اعصابك ي ولد عمي احنا محتاجينك بردو. علي:اطلع بره احسن ليك. مازن:اجوم امشي من غير ما تعرف انا عاوزك ف ايه. علي بزعيق:قولتلك اطلع بره. مازن:تمام بس انا كنت جاي اجولك ان ابوي عاوز يتكلم معاك ضروري. علي:قول لابوك اني مش عاوز اتكلم معاه ومع السلامه. _____________________________________________ عند نهي وهي واقفه قدام شركه. نهي:معقول يكون ده هو العنوان اما نشوف. ولسه هتدخل خبطت ف شخص.