احببت منقذي

الفصل التاني

عند نهي كانت واقفه قدام شركه.

نهي: مش معقول يكون ده هو العنوان. ولسه هتدخل باب الشركه خبطت ف شخص.

نهي:مش تفتح ي أعمي.

الشخص بعصبيه:امشي من قدامي احسن ليكي والا.

نهي بغضب:هتعمل ايه هااا انزل هات الورد اللي حضرتك وقعته.

الشخص:آخر مره هقول فيها امشي ومش عاوز اشوف وشك تاني.

نهي:مش ماشيه و هتجيب الورد.

الشخص بصوت عالي:ي امن.

الامن:نعم ي علي بيه حضرتك عاوز حاجه.

علي بغضب:شايف البنت دي مشيها ومتجيش هنا تاني ولا حته تجيب الورد فاهم. وقرب من نهي:مش عاوز المح وشها عشان لو لمحتو همحيها فاهم.

الامن:فاهم فاهم ي بيه.

علي سابهم ومشي وهي واقفه مزهوله.

_____________________________________________

علي دخل القصر وهو متعصب وعمال يزعق.

زينب:ف ايه ي علي في ايه ي حبيبي مالك.

علي بغضب:الحقير جالي الشركه وقالي ان ابو عاوز يتكلم معاه.

زينب بخوف:لا ي علي متقبلهوش لا ي حبيبي انت ناسي اللي عمله فيك.

علي:مش ناسي ولا عمري هنسي وهيجي اليوم اللي هاخد حقي منه.

______________________________________________

في محل الورد كانت قعده بتعيط.

نهي وهي بتعيط:ينفع كده ي عم ياسين اللي حصل.

ياسين:حصل ايه.

نهي:ي عم ياسين دي خامس مره احكي ليك ع اللي حصل.

ياسين:انتي مين ي بنتي.

نهي:لا كده كتير انا لازم اروح يلا ي عم ياسين عشان هقفل واعمل حسابك بكره انا اللي هفتح ومش عوزاك تتعب نفسك وتيجي ارتاح انت.

ياسين:يلا. وقفلت وروحت.

______________________________________________

تاني يوم راحت المحل وفتحته.

نهي:انا مش عرفه ي عم ياسين اللي جابك مش كنت ارتاحت ف البيت احسن.

ياسين:اه وسيب ليكي المحل وتسرقيني.

نهي بصدمه:اسرقك كتر خيرك ي عم ياسين.

ياسين:الا قوليلي ي بنتي انتي مين.

نهي:ي لهويي ي باااا.

ياسين:مالك ي بت تعبانه اطلب البوليس.

نهي:ابوس ايدك ي عم ياسين انا هروح اودي الورد ده وخليك قاعد هنا و مش تتحرك. وخرجت.

ياسين:مين دي اكيد حراميه ولما عرفت اني ظابط مشيت.

_____________________________________________

علي راح عند زينب ف الجنينه عشان معرفش يتكلم معاها عشان كان متعصب.

علي:مالك ي زوزو قعده كده ليه.

زينب: مافيش ي حبيبي.

علي:كنتي عوزاني ف ايه امبارح.

زينب و الدموع ف عنيها:البنات وحشوني اوي ي علي.

علي:و وحشوني انا كمان بس انتي عرفه ان ده مستقبلهم.

زينب هي بتمسح دوموعها:عارفه.

علي بابتسامه:خلاص ي زوزو ليكي عليا ي ست الكل هعملك احلي عيد ميلاد ف الدنيا.

زينب بضحك:عيد ميلاد ايه ي واد انا كبرت ع الحاجات دي.

علي:كبرتي فشر انتي لسه صغيره ي بطه.

زينب:ي بكاش.

علي:طب ماشي ي زوزو فاضل ع عيد ميلادك يومين فيهم هيتشقلب القصر ب الورد وكل حاجه من حاجات العيد ميلاد طابخين ومهندس د*كور و كل ما نفسك فيه ي زوزو.

زينب بضحك:ماشي اما نشوف يلا بقا ع شركتك.

علي:ماشي عاوزه حاجه.

زينب:لا ي حبيبي عاوزه سلامتك.

______________________________________________

في الشركه قاعد و بيكلم نرمين السكرتيره.

علي:عاوزك تجيبي ورد من احسن محلات مصر ويكون عباد شمس وكمان عاوزك تدوري ع احسن مهندس د*كور للحفلات لان هتكون حفله عيد ميلاد عمتي ومش عاوز ولا غلطه تمام والكلام ده تعملي انتي بنفسك فاهمه.

نرمين:فاهمه ي فندم حضرتك محتاج حاجه تانيه.

علي:لا اتفضلي انتي ع مكتبك.

نرمين:تمام عن إذن حضرتك.

_____________________________________________

في مكان تاني كان قاعد ومتعصب.

مازن:ي بوي انا جولت لي وهو طردني.

الاب:يعني انا بعتك مصر عشان تيجي تجولي اكده انت مش نافع ف حاجه خالص امشي من جدامي امشي من الواضح اني لازم انزل ليه مصر بنفسي. ناده بزعيق: بت ي سناء انتي ي بت.

سناء:نعم ي جدي.

الاب:حضريلي خلاجاتي.

سناء:حاضر.

______________________________________________

ف محل الورد.

نهي:اتفضلي ي فندم حضرتك عاوزه حاجه معينه.

هي:اسمي نرمين بلاش حضرتك وكمان احنا الشركه بتاعتنا بتاخد ورد من هنا كتير.

نهي:نورتينا.

نرمين:كنت عاوزه ورد علشان حفله.

نهي:والحفله دي امتي.

نرمين:بعد يومين و اه عاوزه الورد عباد الشمس.

نهي:بس ده صعب اوي يكون موجود خلال اليومين دول.

نرمين:لا بالله عليكي اتصرفي ف بسرعه علشان مديري ماكد عليا ان الورد يكون نوعه عباد شمس.

نهي:خلاص مش تقلقي انا هتصرف.

فون نرمين رن. نرمين:عن ازنك ثانيه.

نرمين:انا عملت ايه لاقيته.

-:...........

نرمين: يعني ايه ما فيش حد راضي ينظم حفله.

-:............

نرمين:خلاص اقفل.

نهي:في حاجه حصلت.

نرمين:مافيش حد راضي ينظم حفله خلال اليومين دول.

نهي بمرح:واللي ينظمهالك.

نرمين:مين هو.

نهي:انا.

نرمين:انتي!

نهي:ايوه انا انا بفهم ف شغل الحفلات.

نرمين:يعني هتعرفي.

نهي:عيب عليكي.

نرمين:ماشي ده العنوان هتلاقي صاحبه الحفله مستنياكي تمام.

نهي:تمام.

وهنا دخل عم ياسين.

ياسين:انتوا مين.

نهي:انا نهي ي عم ياسين و دي نرمين.

ياسين:ي عيني هي تعبانه.

نهي:لا ي عم ياسين.

ياسين:ياسين مين.

نهي:ي لهووي. بصت لنرمين:هاتي رقمك وانا هتواصل معاكي.

واخدت الرقم ونرمين مشيت.

______________________________________________

تاني يوم راحت العنوان بس لسه هتتدخل جالها تليفون.

نهي:ايه ي هدير حصل حاجه.

هدير:اقول عليكي ايه ي شيخه مش تقول ان عم ياسين عنده زهايمر.

نهي:طب انا اعمل ايه اسيبه لوحده وكمان ده طيب و يتحب.

هدير:ماشي ماشي بس لما اشوف وشك غوري. وقفلت السكه.

نهي:بتموت فيا انا عرفه يلا نرجع لشغل. ودخلت وسألت ع صاحبه البيت قالو ليها انها قاعده ف الجنينه. اول لما دخلت لقت ست جميله وشكلها طيب جدا.

نهي بابتسامه:السلام عليكم.

الست:وعليكم السلام.

نهي:انا نهي اللي هحضر للحفله.

الست:اهلا ي بنتي انا اسمي زينب والكل هنا بيقولي ي زوزو.

نهي:تشرفت بيكي نبداء ف الشغل ع طول.

زينب:لولا الواد علي انا مكنتش عملت حاجه بس هو اصر.

نهي:ربنا يخلي ليكي.

زينب:ي رب.

نهي:كنتي عاوزه حاجه معينه تتعمل.

زينب:اعمليلي الحفله ع ذوقك.

نهي:ايه ع زوقي

زينب:اه بس الورد هو بس اللي عاوزه عباد الشمس تمام.

نهي:تمام بس العمال....

زينب:نرمين قالت لي كل اللي حصل وان انتي اللي اقترحتي عليها انك تساعديها عشان كده العمال هي اللي هتجبهم وزمنها جايه.

نهي:تمام كنت عاوزه حد معايه عشان ابص ع المكان.

زينب:حاضر. ي نسمه ي نسمه.

نسمه:نعم ي زوزو.

زينب:خدي نهي وريها المكان اللي هيتعمل في الحفله.

نسمه:حاضر ي زوزو يلا ي انسه نهي.

نهي:نهي بس احسن.

نسمه بابتسامه:تمام يلا.

راحت نهي تبص ع المكان و كانت فرحان لان خلاص هتشتغل ف الحاجه اللي بتحبها رجعت الجنينه وفضلت قعده مع زينب بيتكلمو و زينب حبتها جت نرمين وفضلت تعرفها ع العمال.

نهي بحماس:تمام كده بصو ي رجاله احنا هنفضل يومين مع بعد يعني احنا من الحظه دي أهل تمام ي رجاله. وبصت لنرمين و زينب:متخافوش هتكون حفله الكل هيحكي عنها.

زينب:وانا واثقه.

نهي:يلا ي رجاله ع الشغل.

كانت عماله تجمع أفكار وعرضتها ع العمال.

نهي:ايه رايكم ي رجاله.

شخص١:انا شايف انها أفكار جميله يلا نبدا دلوقتي.

شخص٢:بس كنا عاوزين وقت كمان يومين قليلين.

نهي:لا دول كفايه اوي وكمان........

-:ايه ده!