احببت منقذي

الفصل التالت

علي كان داخل الجنينة علشان يشوف زينب و شاف رجاله كتير متجمعه و ف وسطهم بنت بتتكلم.

علي:ايه ده!

نهي: انت! انت ايه اللي جابك هنا وبتعمل ايه هنا.

علي:انتي ايه للي بتعملي ايه هنا هو انا مش قولت لو شوفت وشك همحيكي ورتكب فيكي الجريمه.

نهي:اولاً انت اللي جاي ورايه ثانياً بقا ده المهم انا بشتغل هنا وتفضل امشي بقا علشان تقريباً انا اللي هرتكب الجريمه.

علي بعصبيه:انتي ازاي.......

زينب جات وتكلمت:ايه ي علي ف حاجه حصلت.

علي:مين جاب البت دي هنا.

نهي:انا مش بت ي استاذ انا ليه اسم.

علي:اللهم طولك ي روح مين جابها هنا.

زينب:انا اللي طلبت من نرمين تجبها عشان تنظم الحفله.

علي بسخريه وهو بيشاور ع نهي:دي تنظم حفله دي انتي ي زوزو مش شايفه شكلها عامل ازاي.

نهي بحده:ماله شكلي بقا ي مستر غضبان احسن من اللي مكشر ع طول ومش بيضحك لرغيف السخن.

علي بغضب وعنيه بطلع شرار:انتي قولتي ايه.

نهي بستعباط:مش فاكره انا قولت حاجات كتير.

علي:طيب انا هقولك انتي قولتي ايه انا مستر غضبان وكمان مش بضحك لرغيف السخن.

نهي:ايون و زود دي كمان انت انسان بارد.

لسه علي هيتكلم زينب اتدخلت:م خلاص بقا ي ولاد يلا ي علي اطلع غير عشان تتغداء وانتي ي نهي خلاصي مع العمال عشان تتغدي معنا. علي بص ل زينب وبص ل نهي بتواعد ومشي.

نهي:لا شكرا انا هتغداء مع العمال.

زينب:لا انا مصره تتغدي معنا.

نهي:تمام.

و نهي رجعت لشغلها و زينب راحت المطبخ.

______________________________________________

علي ف أوضته متعصب و بيكلم نفسه.

علي:انا علي المرشدي بارد ومش بتضحك لرغيف السخن ماشي ي نرمين. طلع الفون وتصل ب نرمين.

علي:ايه اللي انتي عملتي ده.

نرمين:هو حصل حاجه حضرتك.

علي:البنت اللي انتي جايبها تنظم الحفله.

نرمين:مالها ي مستر علي.

علي:هو مش انا قولت اني عاوز راجل هو اللي ينظم الحفله مش بنت وانتي جابتي بنت.

نرمين:ما هو ي مستر محدش كان راضي انو ينظم الحفله ف يومين وهي الوحيده اللي قالت إنها هتنظمها.

علي:طب ان عاوز اعرف عنها كل حاجه تمام وآخر حفله نظمتها.

نرمين:تمام.

علي قفل مع نرمين:ماشي ي نهي.

______________________________________________

عند نرمين.

نرمين برتباك:ي نهاري وانا اعمل ايه دلوقتي عاوزه حل لازم الاقي حل.

______________________________________________

نهي ف الجنينه بتتكلم مع العامل.

نهي:لا لا ي صبحي اعملها كده و هتكون احلي صدقني.

صبحي:بس ي انسه نهي.

نهي:اسمع انت كلامي بس وشوف ف الاخر.

صبحي:حاضر.

نهي:يحضرلك الخير. الفون رن.

نهي:عاوزه ايه ي زفته.

هدير بعياط:الحقي ي نهي عم ياسين.

نهي:حصل ليه حاجه .

هدير:لا بس..

نهي:انجزي ي هدير حصل حاجه.

هدير وهي لسه بتعياط: هيموتني ي نهي كل شويه يقولي انتي حراميه عاوزه تسرقيني و مره واحده لقيته عمل ينادي ع الناس ويقول الحقوني ي حراميه عاوزه تسرقني وانا عامله زي اللي حد دلق عليها جردل مياه ساقعه ومش عارفه اتصرف وعينك م تشوف الا النور....

نهي وهي ميته من الضحك:ي نهار اسمر مش قدره.

هدير بعصبيه:انتي بتضحكي ليه.

نهي وهي بتحول تتكتم الضحك:طب خلاص كملي.

هدير:فضلت حوالي ساعتين اقول لناس اني شغاله معاه لحد م هو افتكر وقال لناس وسابوني الحمد لله.

نهي:طب الحمد لله حصل حاجه تاني.

هدير:اه يختي هو سوال واحد.

نهي:ايه هو.

هدير:ليه انا.

نهي باستغراب:انتي ايه.

هدير:انا عرفه ان انتي عاوزه تنتقمي مني انا عرفه من زمان عشان كده بعتيني اشتغل مكانك مع عم ياسين.

نهي:طب والله عم ياسين طيب صحيح اشتغلت معاه يومين بس طيب وحبوب لولا الزهايمر اللي عنده بس وكمان بعد ما عرفت مستحيل اسيبه لوحده عشان كده انا كلمتك لان انا عارفه انك قلبك ابيض.

هدير:اقفلي ي نهي.

نهي:ليه.

هدير:هروح الحق مع ياسين ماسك ف زبون و مش رادي يسيبه ي لهوي عم ياسين. وقفلت ف وشها.

نهي بضحك:طب والله انت عسل عم ياسين.

______________________________________________

علي شافها من بعيد بتتكلم ف الفون وعماله تضحك اتعصب وراح ليها.

علي:من الواضح أن حضرتك مش شايفه شغلك كويس.

نهي:انت ليك تستلم حفلتك زي ما زوزو طلبت و اد*ك قولت شغلي يعني شئ مش يخصك تمام و بعده كده عشان أفسد مزاجي ي مستر غضبان. وسابته ومشيت تكمل شغل.

علي هيموت من العصبيه.

نسمه:مستر علي زوزو بتقول لحضرتك الغدا جاهز وبتقول هات نهي وانت جاي.

علي:هو ده اللي ناقص ي زوزو. بص ناحيه نهي و قال بصوت عالي:انتي ي نص شبر.

نهي بصت لي وقالت:انا.

علي:اومال انا.

نهي بعصبيه:انا ليا اسم ي مستر غضبان اسمي نهي.

علي:وانا كمان ليا اسم وطول ما انتي بتقولي ليا مستر غضبان انا هقول ليكي نص شبر تمام ويلا عشان زوزو حضرت الغدا. وسابها ومشي.

نهي:مستفز و هتفضل مستر غضبان. و راحت وراه.

______________________________________________

ف شركه المرشدي

-:عاوز اجابل علي عز المرشدي.

=:حضرتك مستر علي مش موجود ف الشركه حالياً.

-:تمام لما يكون موجود جول لي ان عمو مصطفي المرشدي سال عليه.

=:هو حضرتك تبقا عم مستر علي.

مصطفى:ايوه.

=:طب اتفضل ده عنوانه لو حضرتك محتاجه.

مصطفى:زين...زين جوي ي ولدي. مصطفي اخد العنوان و راح هناك.

______________________________________________

خلصو غدا ونهي رجعت تكمل شغلها و علي داخل مكتبه علي الفون بتاعه رن.

علي:في حاجه حصلت ي نرمين.

نرمين:عرفت ان ف حد سال عليك من قرايبك و اخد عنوانك.

علي:مين هو.

نرمين:بيقول انو عمك.

علي:ع....... سمع صوت زينب و هي بتزعق ونزل ليها.

زينب بزعيق:انت ايه اللي جابك هنا ي مصطفي.

مصطفي:جاي اطمن ع اختي و ولد اخوي ايه من حقي.

زينب بسخريه:انا مش اختك ولا هو ابن اخوك واذا كنت ناسي انا افكرك.

______________________________________________

فلاش باك.

مصطفي:يلا ي عز هتتاخر عاد.

عز:خلاص انا جاي اهو.

مصطفي:اومال فين اسماء.

عز:جايه وراي.

مصطفي:هيكون احلي أسبوع ف مصر عقبال من نسافر احنا كمان.

عز:هتسافر اصبر.

مصطفي:طب نادي ع مراتك.

عز:ي اسماء اسماء.

اسماء من ع السلم:خلاص جايه اهو مش قادر تصبر شويه بجيب علي.

عز:قولتلك ي اسماء علي مش هيجي معنا و هيقعد مع زينب وبناتها.

زينب:ده أنا اشيل علي جوا عيني يخوي.

عز:كتر خيرك يلا اسماء الراجل صاحب العربيه واقف من بدري.

اسماء:حاضر. و زي اي ام قالت لزينب علي بيحب ايه وبيكره اي وكل حاجه علي محتاجها.

زينب:خلاص ي اسماء ده أسبوع يعني.

اسماء:حاسه اني مش هشوفو تاني.

زينب:الحق مراتك ي عز بتفول ع نفسها.

عز بضحك:يلا ي اسماء الله ي رضا عنك.

اسماء ركبت العربيه هو و عز و بتبص لي علي اللي ف ايد زينب.

اسما:خالي بالك منه ي زينب.

زينب:حاضر.

و العربيه مشيت. وبعد فتره ف الطريق كانت اسماء قاعده بتقرا قرأن.

اسماء:صدق الله العظيم. عز.

عز:اممم.

اسماء:هو فاضل كتير.

عز:زهقتي ده السواق لسه طالع.

اسماء:لا بس....حاسب يسطااا حاسب.

بليل ف البيت بتاع العيله.

مصطفي:الله ما تقعدي ي زينب.

زينب:قلقانه ع عز و اسماء.

مصطفي:طب ليه........ و الفون بتاع زينب رن.

زينب:الو..

-:........

زينب بصدمه وعياط:ايه ف مستشفي ايه تمام احنا جاين. وقفلت.

مصطفي:ف ايه ي زينب.

زينب بعياط: عز و اسماء.

مصطفي:مالهم.

زينب:عملوا حادثه.

مصطفي:ازاي.

زينب:انا عاوزه اروح ليهم ي مصطفي.

مصطفي:هجيب العربيه بسرعه يلا وهاتي علي وتعالي.

زينب:ماشي. زينب جابت علي وراحت لمصطفي وراحوا المستشفى.

مصطفي:عاوز اسال عن ناس عملوا حادثه ع الطريق الصحراوي.

الممرضه:اسمهم.

مصطفي:عز المرشدي و مراته اسماء ناصر.

الممرضه:انا اسفه ف حاله منهم توفت و هو استاذ عز.

زينب بصريخ:عز عز مات أه ي اخويه اه.

مصطفي بجمود:و اسماء.

الممرضه:ف العنايه المركز حالتها خطر ادعو ليها.

زينب بصت ل مصطفي:عز مات ي مصطفي مات.

مصطفي:اهدي اهدي ادعي ليه بالرحمه.

باك.

_____________________________________________

زينب:تحب اكمل ي اخويه ولا كفايه. وهنا نزل علي.

علي:في ايه ي زوزو و....... الراجل ده بيعمل ايه هنا.

مصطفي:مافيش حد يسلم ع عمو كده ي ولد اخوي.

علي بغضب:اطلع بره.

مصطفي:ولو مطلعتش.

علي:هطلعك انا بطريقه مش هتعجبك.

مصطفي:وانا عاوز اشوف.

علي راح ناحية مصطفي وماسكه من العبايه اللي كان لبسه و اخدوا بره البيت ونهي شافت علي ماسك فيه راحت ليهم.

علي:مش عاوز اشوف وشك هنا تاني ولا انت ولا ابنك انت فاهم.

نهي اتكلمت:ايه اللي انت عملو ده ازاي ماسك راجل قد ابوك كده انت مش عندك قلب.

علي:اسكتي انتي خالص.

نهي:مش هسكت و......

علي بعصبيه و زعيق:قولت اسكتي انت مش بتفهمي.

زينب ل نهي:اسكتي ي نهي.

علي ساب مصطفي و مصطفي بيعدل هدومه:هعديها ليك المره دي علشان خاطر انت قد ولدي مازن وكمان لينا كلام تاني بس المره اللي جايه. و سابه و مشي.

وعلي طلع اوضته و نهي بصت لزينب.

نهي:مين ده ي زوزو.

زينب بحزن:ده اخويه و عم علي.

نهي:ايه وعلي عمل معاه كده.

زينب:اصلها حكايه كبيره اوي وملهاش آخر معلشي ي بنتي هروح اشوف علي.

نهي:اتفضلي.

___________________________________________

علي في الاوضه عمال ي**ر ف الحاجه.

زينب:اهدي ي حبيبي.

علي:هو السبب ف كل حاجه حصلت معايه زمان و دلوقتي رجع تاني وهيدمر حياتي تاني اكتر من الأول انا لازم اعمل حاجه لازم اتصرف. وخرج و زينب بتجري وراه.

زينب بعياط:علي استنا ي علي استنا ي حبيبي. علي مشي وساب زينب بتعياط