Huminto kami sa isang batis at kumain ng tanghalian at sa mabilis lang na kilos ay natapos kami agad at nagpatuloy ulit sa paglalakbay.
Medyo malayo na rin ang distansya namin at makakarating na kami sa pinaka bayan at natatanaw ko na ang ilang kabahayan dito.
"Mamili na lang tayo ng ilan pa na mga kailangan natin at saka tayo magpapatuloy sa paglalakbay at maghahanap tayo ng ligtas na lugar." Sabi ni Darin kaya napatango kami sa kanya.
"Kakaiba na ang kahariang ito wala na ang dating paraiso." Napatingin ako kay Fyre na patingin-tingin sa paligid.
Nakita ko ang lungkot sa mga mata niya habang nakatingin sa paligid may mga nilalang na hirap na hirap na dahil sa pagtatrabaho at dahil hindi nila alam kung kailan aatake ang mga Dreyor ay takot ang nasa mga puso nila.
Nagiging dahilan it
