NANG dahil sa narinig ni Loui kay Benjie, sa hindi mabilang na pagkakataon ay nawalan na naman siya ng sasabihin. Hindi siya makaapuhap ng isasagot sa binata dahil sa lakas ng dagungdong ng puso niya.
Tumikhim siya, habang nakatingin pa rin sa mga mata ni Benjie. Ngunit tila nagkaisip ang mga kamay niya at idinampi ang likod ng kanyang palad sa leeg nito. “Mainit ka. Masama ba ang pakiramdam mo?” tanong niya rito. Saglit niyang nakalimutan ang pagkailang at napalitan iyon ng pag-aalala.
Tumango si Benjie. “Oo, tapos puyat tayo noong nakaraang gabi, Nabasa, nalamigan, nag-halo-halo na.” Inabot ng binata ang kanyang kamay na nakadampi sa leeg nito at pinagsalikop iyon. Dahil sa ginawa ni Benjie ay lalo pang bumilis ang t***k ng puso niya at ang pagdaloy ng pamilyar na kuryente
