"Good morning, Loui," Bati ni Benjie kay Loui. Isang ngiti ang sinalubong ng binata sa kanya pagbukas niya ng pinto. Nagsimula na namang tumalon-talon ang puso niya nang nakita ang nakangiting mukha ng binata. Umayos ka, Louisse Althea, huwag mong ipahalata diyan sa kaharap mo ang kagagahang nagawa mo kagabi sa kanya, pangaral niya sa sarili.
"G-good morning, Benjie, ang aga mo yatang nagising?" Mabilis niyang pinadaan ang mga mata sa kabuuan ng binata at napansing nakabihis na ito. Naamoy niya rin ang panlalaking cologne na humalo sa sabong ginamit nito, and the mixture tickled her senses - na parang gusto niyang sumandal sa matigas na dibdib nito at ubusin ang amoy nito sa kasisinghot.
Ay, ang aga-aga, ang landi ng lola, ngayon ay ang kontrabidang boses sa utak niya ang nar
