CHAPTER FORTY
Siam Alonzo
IBA ang klase ng tingin ang binibigay sa akin ni Kuya Six kinabukasan. Ewan ko ba kung nagtatanong ang paraan ng pagtitig nito, siguro tungkol na rin sa nakita nito kagabi, o may gustong sabihin sa akin. Nakakaramdam ako naman ako ng pagkahiya dahil doon.
Napatingin ako kay Neu. Nasa likod bahay kami. Masayang tinutulungan niya sina Papa at Kuya Synco sa pagsisibak ng kahoy na gagamitin naming panggatong sa Pasko. Base sa ngiti niya, hindi niya nararamdaman ang paraan ng pagtitig din ng pangalawang nakakatanda kong kapatid. Tiyak din akong wala siyang nararamdamang hiya. Kapal talaga ng balat niya.
Iniwan ko na sila at pumasok na sa loob ng bahay. Dumiretso ako ng sala para manood ng palabas sa T.V. Lima lang kaming natira rito sa bahay ngayong araw. Sina Ku
