Habang may ginagawa si Miss Kate sa pasyente napansin niyang nagmamadali si Chief Lee na buksan ang computer kaya lumapit siya rito para tignan kung ano ang ginagawa nito.
“Anong tinitignan mo, Lee?” tanong ni Miss Kate habang papalapit at sinilip ang tinitignan ni Chief Lee.
Nagulat na lang din si Miss Kate ng biglang nakita niya rin ang pag babalik anyo ng ibang bumagsak na apektadong tao sa dating anyo nila.
“Chief Lee, pupunta po ba kayo rito?” tanong ng Autumn Guard sa relo.
“Papunta na kami riyan,” sabi ni Miss Kate pagkakuha sa kamay ni Chief Lee at sinabi sa relo.
Nagulat si Chief Lee kay Miss Kate at agad na hinubad naman ni Miss Kate ang gloves at itinapon sa basurahan.
“Bilisan mo, kailangan nating makuha kahit isa sa mga ‘yun,” ani Miss Kate at agad na lumabas sa lab, wa
