Nagulat si Master Lua sa sinabi ni Lily dahil sa binanggit nito ang mahal niyang uncle.
“Saan mo nasagap ang vision na ‘yon Lily?” tanong ni Master Lua kay Lily habang tulala pa rin ito at wala sa sarili.
Hindi na nakapagsalita si Lily dahil naging blanko na ang paningin niya pero nakaupo pa rin ito. Tinawagan ni Master Lua ang dalawa: sina Chief Lee at Miss Kate. Mula sa kwarto ng dalawa ay tumunog ang ring ng isang gadget na speaker na merong button sa itaas nito. Pinindot kaagad ni Miss Kate ang gadget na ito dahil pinipindot lang ito ni Master Lua pag emergency tulad ngayon.
“Pumunta kayo kaagad dito kailangan ko kayo,” mabilis na sinabi ni Master Lua sa speaker.
Lumabas kaagad si Miss Kate ng kwarto niya pero napatigil siya ng saglit at lumingon sa kaniyang likod dahil hindi niya
