Paglabas ni Jude sa kanyang silid sa itaas ng bahay ay dinig na dinig ang ingay ng tawanan na nanggagaling sa ibaba ng bahay.
Sa sala ay nadungawan niya mula sa itaas na masayang nanonood ng telebisyon sina Bel, Barbie at ang kakambal nitong lalaki na si Luke na hindi niya alam na naririto rin pala sa kanyang bahay.
Tangka sanang magsasalita si Jude para agawin ang atensyon ng mag-iina ngunit pinili niya na ang manahimik at pakinggang ang ingay.
Ang ingay na kailanman ay hindi niya narinig sa kanyang bahay.
Ang ingay na hindi nakakairita sa pandinig bagkus ay naging tila isang musika na kay sarap pakinggan.
Dahan-dahan ng bumaba si Jude sa baitang ng hagdan ngunit hindi inaalis ang mga mata sa tatlong tao na pumupuno ng kanyang hungkag na bahay sa matagal na panahon.
Hindi na nga al
